मतीके लिखल सुसमाचार 5:7 - मध्‍य पुरविया थारू

⁷ धैनके चियै दया करैबलासब, कथिलेत उसब दया पाबतै।

मतीके लिखल सुसमाचार 5:7 ပူးပေါင်းရင်းမြစ်များ

मरकुस 11:25

जखुन तुसब परथनाके लेल खरा हेब्‍ही, तब ककरो बिरुधमे तुसब कुछो छौ त ओकरा माफ कर, जै से तोहर पिता जे स्‍वरगमे छौ सेहो तोहर अपराध माफ कैरदेतौ।

लुका 6:35

“महज आपन सतरुसबके परेम कर आ ओकरासबके भलाइ कर तब कोइ फिरता करतौ तै आसमे पैंचा नै दहै। तैसे तोरासबके इनाम बरका हेतौ तब तुसब महान परमेस्‍वरके बेटाबेटी कहाइबिही। कथिलेत उ बेगुनिया आ स्‍वारथी लोकसबके परेम करैछै।

रोमी 11:30

पहिने तु गैर-यहुदीसब परमेस्‍वरके आग्‍यापालन नै करैछेल्‍ही, महज आब यहुदीसब आग्‍यापालन नै करला कारनसे परमेस्‍वरके किरपा तोरासबके भेटल छौ।

१ कोरन्‍थी 7:25

आब कुमारीसबके बारेमे हमरसङे परभुके आग्‍या किछो नै छौ। महज हम परभुके अनुगरहसे एक बिस्‍बासयोग्‍य लोक भेलाके कारन तोरासबके यि सल्‍लाह दैचियौ।

२ कोरन्‍थी 4:1

परमेस्‍वर दयालु भेलाके कारनसे यि सेबाके काम हमरासबके देनेछै। ओहै खातिर हमसब हरेस नै खाइचियै।

एफिसी 4:32

महज एक-दोसरके दया देखा। जनङ परमेस्‍वर तोरासबके खिरिस्‍टमे छमा करल्‍कौ तहिनङे तुहुसब एक-दोसरके छमा कर।

कलस्‍सी 3:12

तुसब परमेस्‍वरके छानल पिरिय पबितर लोकसब चिही। अहै कारन मया, दया, नरमता, कोमलता आ सहनसिलताके धारन कर।

१ तिमोथी 1:13

एक समयमे हम्‍हु परमेस्‍वरके निन्‍दा करैबला आ ओकरमे बिस्‍बास करैबलासबके सताइबला आ दुरछिया करैबला लोक छेलियै। महज परमेस्‍वर हमरा दया करल्‍कै कथिलेकी उ कामसब हम अन्‍जानमे करलियै आ ओइ बखत हम परभुके नै चिन्‍है छेलियै।

१ तिमोथी 1:16

अहैकारनसे उ हमरा दया करल्‍कै आ पापीसबमेसे मुख पापी भेलापरभी हमरमे खिरिस्‍ट येसु आपन महान धिरज देखेल्‍कै ताकि पछा ओकरा बिस्‍बास करैबला आ अनन्‍त जिबन पाबैबलाके लेल हम एकटा उदाहरन बनी।

हिबरु 4:16

अहैलेल अपनासब परमेस्‍वरके अनुगरहके सिंहासनके अगा निडर भ्‍याके चल आ खाचो परलहा समयमे सहायता पाबैके लेल किरपा आ अनुगरह पाबैले सकी।

हिबरु 6:10

तुसब परमेस्‍वरके लोकसबके सेबा कैरते परमेस्‍वर परती आपन परेम देखाइनेचिही आ अखुनो अहिनङ सेबा करैत आइबरहलचिही। परमेस्‍वर अनियाय नै करैछै। तोरासबके करल यि सेबा आ परेमके उ कहियो नै बिसरतै।

याकुब 2:13

कथिलेकी जे लोक किरपा नै करैछै ओकर नियाय किरपे बिनाके हैछै। किरपा नियायके उपर बिजय हैछै।

याकुब 3:17

महज स्‍वरगसे आबैबला बुइध त सबसे पहिने असल हैछै, तकरबाद उ सान्‍ती दैबला, नम्‌र, बिचारसिल आ दयासे भरल रहैछै आ असल कामसे परकट हैछै। अइमे पक्‍छपात करैबला बात आ छलकपट करैबला बात नै रहैछै।

१ पतरुस 2:10

पहिने त तुसब परमेस्‍वरके जन नै छेल्‍ही, महज अखुन परमेस्‍वरके जन भेलचिही। पहिने तुसब परमेस्‍वरके दया नै पाबनेछेल्‍ही, महज अखुन तुसब परमेस्‍वरके दया पाबनेचिही।