मतीके लिखल सुसमाचार 4:19 - मध्‍य पुरविया थारू

¹⁹ तब येसु ओकरासबके कहल्‍कै, “हमर पछा लाग, आबसे हम तोरासबके माछ नै महज लोकसबके मलाह बनेबौ।”

मतीके लिखल सुसमाचार 4:19 ပူးပေါင်းရင်းမြစ်များ

मतीके लिखल सुसमाचार 16:24

तकरबाद येसु आपन चेलासबके कहल्‍कै, “अदी जे कोइ हमर चेला बनैले चाहैछै त, उ आपन मनके मारौक आ आपन कुरूस बोइकके हमर पछा लागौक।

मतीके लिखल सुसमाचार 19:21

येसु ओकरा कहल्‍कै, “यदि तु साँचेके असल हैले चाहैचिही त, तोहरसङे भेल सब धन-सम्‍पती बेचके गरिबसबके बाइट दहै तब तोरा स्‍वरगमे धन मिल्‍तौ। तब आइबके हमर पछा लाग।”

मतीके लिखल सुसमाचार 4:18

जब येसु गालिल तालके कातमे टहलैत खिना पतरुस कहाइबला सिमोन आ ओकर भाइ अन्‍दरियास, दुनु भैयारीके माछ पकरैले तालमे जाल फेकैत देखल्‍कै। उसब मलाह रहै।

मतीके लिखल सुसमाचार 4:20

यि बात सुनैत मातर उसब आपन आपन जाल छोइरके येसुके पछा लाग्‍लै।

मतीके लिखल सुसमाचार 8:22

महज येसु ओकरा कहल्‍कै, “हमर पछा लाग, मुरदासबके ओकर आपन मुरदासबके गारैले दहै।”

मतीके लिखल सुसमाचार 9:9

येसु ओतेसे जाइत खिना एक गोरा बटी उठाइबला मती नाम भेल लोकके बटी उठाइबलाके अडामे बैठल देखल्‍कै आ येसु ओकरा कहल्‍कै, “हमर पछा लाग।” तब उ उइठके ओकर पछा लाग्‍लै।

मरकुस 2:14

ओतेसे जाइतकाल येसु अल्‍फयासके बेटा लेबीके बटी उठाइबलाके अड्‍डामे बैठल देखके कहल्‍कै, “हमर पछा लाग।” लेबी उठके ओकर पछा लाग्‍लै।

लुका 5:27

तब येसु ओइ ठामसे बाहर निकल्‍लै आ लेबी नाम भेल्‍हा एक गोरे बटी उठाइबलाके अड्‍डामे देखल्‍कै। येसु ओकरा कहल्‍कै, “हमर पछा लाग।”

लुका 9:59

फेनो येसु दोसर कोइके कहल्‍कै, “हमर पछा लाग।” महज उ लोक जबाफ देल्‍कै, “पहिने हमरा हमर बाबुके लहास गारे जायले दिय।”

युहन्‍ना 1:43

तकर बिहानके येसु गालिल इलाका जाइले निरनय कैरके निकललै। तहै बखत ओकरा फिलिपसङे भेट भेलै आ उ ओकरा कहल्‍कै, “हमर पछा लाग।”

युहन्‍ना 12:26

जे हमर सेबा करैले चाहैछै उ हमर पछा आबे आ हम जते रहबै ओते हमर सेबक सेहो रहतै। जे कोइ हमर सेबा करैछै हमर पिता तकरा आदर करतै।

युहन्‍ना 21:22

येसु पतरुसके कहल्‍कै, “यदी हम नै आबैतक उ जिबिते रहे कैहके हमर इक्‍छाछै त तोरा कि हैछौ? तु हमर पछा लाग।”

२ कोरन्‍थी 12:16

हम तोरासबके भार नै भेलियौ, यि बात त तोरासबके थाहे छौ। हम चलाकी कैरके तोरासबके फसेलियौ कैहके कोइ-कोइ कहैछौ।