मतीके लिखल सुसमाचार 27:2 - मध्‍य पुरविया थारू

² तब उसब ओकरा बाइन्‍हके लगेलै आ बडा हाकिम पिलातसके जिमा लगादेल्‍कै।

मतीके लिखल सुसमाचार 27:2 ပူးပေါင်းရင်းမြစ်များ

मतीके लिखल सुसमाचार 20:19

तब ओकरा गैर-यहुदीसबके हाथमे सौपतै। ओकरा गिल्‍ला करतै, कोरासे पिटतै आ कुरूसमे टाङइके माइरदेतै। महज फेनो उ तेसर दिनमे जिबित भ्‍याके उठतै।”

मतीके लिखल सुसमाचार 28:14

यदी यि बात पिलातसके कानमे पुग्‍तै त हमसब ओकरासे यि बात मिलाके तोरासबके खतरासे बचालेबौ।”

लुका 13:1

ओइ बखत कतहेक लोकसब ओइ ठाममे छेलै, जे गालिलीसबके बारेमे येसुके कहैछेलै, “पिलातस हतिया कैरके ओकरासबके लहु बैलभोगके लहुसङे मिलादेनेछेलै।”

लुका 20:20

उसब येसुके पकरैले मौका ताके लाग्‍लै आ आपनके धरमी कहाइबला जासुससबके ओकरलग पठाइल्‍कै। येसुके ओकरे कहलहा बातमे ओकरा फसाके रोमी सासकसबके हाथमे फसाइके दाउमे उसब छेलै।

लुका 23:1

तकरबाद महासभाके सब सदससब उठलै आ येसुके रोमी बडाहाकिम पिलातसलग लगेलै।

लुका 23:12

तहैदिनसे रजा हेरोद आ पिलातसके मेल-मिलाप भेलै। कथिलेत अइसे पहिने उसब दुनुगोरामे दुस्‍मनी छेलै।

लुका 3:1

रोमी महराज तिबेरियस राज करला पन्‍दरह बरिस भेल छेलै। ओइ बखत पन्‍तियस पिलातस यहुदिया इलाकाके बडा-हाकिम छेलै। हेरोद गालिल इलाकामे राज करैछेलै, ओकर भाइ फिलिप इतुरिया आ तराखोनितिस इलाकामे राज करैछेलै। अबिलेने इलाकामे लुनियास गामके लोक राज करैछेलै।

युहन्‍ना 18:12

तकरबाद सिपाहीसब आ ओकर कप्‍तान यहुदीसबके पहरेदारसब येसुके पकैरके उल्‍टा बान्‍ह बानहल्‍कै।

युहन्‍ना 18:24

तकरबाद हन्‍नास येसुके बान्‍हल अबस्‍थामे परधान पुजारी कैयाफा लग पठाइल्‍कै।

युहन्‍ना 18:28

तकरबाद उसब येसुके कैयाफाके घरसे रोमी सासकके दरबारमे ल्‍यागेलै। ओइ बखत अनगुत भेल छेलै। असुध नै हेबे महज निस्‍तार पाबैनके भोज खाइले सकि कैहके उसब दरबार भितर नै गेलै।

परेरित 12:6

जब हेरोद पतरुसके जनताके सामने आनैसे पहिन्‍का रात, पतरुसके दुइटा सिकरीसे बाइन्‍हके दुइटा पहरा करैबला सिपाहीसबके बिचमे सुइत रहल छेलै आ पहरा करैबला सिपाहीसब देहरीमे ठार भ्‍याके पहरा करैछेलै।

परेरित 21:33

सेनापती पावलके पकरल्‍कै आ दुइटा घुरीसे बान्‍हैले लगाइल्‍कै आ लोकसबके पुछल्‍कै, “यि लोक कथी करल्‍कै? यि लोक के चियै?”

परेरित 22:25

जब सिपाहीसब कोरासे मारैले पावलके बान्‍हने छेलै तब लगेमे ठारभेल कप्‍तानके पावल पुछल्‍कै, “कि रोमी कानुन अनुसार रोमी नागरिक अपराधी नै छै तैयो कोरासे मारैले मिलैछै?”

परेरित 22:29

यि बात सुनैत मातर पावलके पुछ-ताछ करैबला लोकसब पछा हैट गेलै। पावल रोमी नागरिक हैतोपरभी अनङ घुरीसे बान्‍हैले लगेलाके कारन सेनोपती डेरागेलै।

परेरित 24:27

दुइ बरिसके बाद फेलिक्‍सके ठाममे परकियस फेस्‍तस बडा-हाकिम भेलै। तब उ यहुदीसबके खुसी राखैले पावलके जहलेमे बन्‍द कैरके गेलै।

परेरित 28:20

इजराएलीसबके आसा करल मुक्‍ती दैबला रजाके लेल हम अनङके झिझिरसे बान्‍हल गेल छी। यि बात बुझाबैले आ अहाँसबसे भेट कैरके बातचित करैले बोलेलियै।”

परेरित 3:13

अबराहम, इसहाक आ याकुबके परमेस्‍वर, अपनासब पुरखासबके परमेस्‍वर आपन सेबक येसुके महिमीत करल्‍कै, जकरा अहाँसब पकराइलियै आ पिलातस ओकरा छोइरदैके बिचार करल्‍कै तैयो अहाँसब ओकरा पिलातसके अगामे इन्‍कार करलियै।

परेरित 4:27

“साँचोके अहाँके अभिसेक करल पबितर सेबक येसुके बिरोधमे हेरोद आ पन्‍तियस पिलातस दुनुगोरा आन जात आ इजराएलीसबसङे अहै सहरमे जमा भेलरहै।

परेरित 9:2

आ उ दमस्‍कसके सभाघरसबके नाममे पुरजी माङल्‍कै, चाहे उ मरद हेबे या जनि, परभुके बाटमे चलैबला ओइसबके पकैरके यरुसलेम आने सकि कैहके अधिकार माङल्‍कै।

१ तिमोथी 6:13

सब चिजके जिबन दैबला परमेस्‍वर आ पन्‍तियस पिलातसके अगा असल साक्‍छी दैबला येसु खिरिस्‍टके अगा, हम तोरा यि आग्‍या दैचियौ,

२ तिमोथी 2:9

ओह्‍या सुसमाचार जकर खातिर हम दुख काटैचियै आ अपराधी जखा झिझिरसे बान्‍हल चियै। महज परमेस्‍वरके बचनके बान्‍हे नै सक्‍तै।

हिबरु 13:3

तुसब आपने जहलमे परल जखा जहलमे परलहासबके तुसब वास्‍ता कर। आपने दुख भोगल जखा अतियाचारमे परलहासबके याद कर कथिलेकी तुहुसब सरिरमे चिही।