मतीके लिखल सुसमाचार 26:74 - मध्‍य पुरविया थारू

⁷⁴ तब पतरुस किरिया खाइत कहल्‍कै, “हम ओइ लोकके चिन्‍हबे नै करैचियै! यदी हमर बात झुठ हेतै त, परमेस्‍वर हमरा सराप देबे।” ठिक ओहि घरी मुरगा डाँक देल्‍कै।

मतीके लिखल सुसमाचार 26:74 ပူးပေါင်းရင်းမြစ်များ

मतीके लिखल सुसमाचार 10:28

ओइसबसे नै डेरा जे देहके मातरे मारैछै, महज आत्‍माके नै मारे सकैछै। बरु ओकरेसङे डेरा जे आत्‍मा आ देह दुनुके नास कैरके नरकमे फेकैके सक्‍ती छै।

मतीके लिखल सुसमाचार 26:34

येसु पतरुसके कहल्‍कै, “साँचोके हम तोरा कहैचियौ, आइ रातके मुरगा डाँकैसे पहिने तु हमरा नै चिन्‍हैचियै कैहके तिन बेर इन्‍कार करबिही।”

मतीके लिखल सुसमाचार 26:73

कुछदेर बाद ओते ठार भेल्‍हा लोकसब नजदिक आइबके पतरुसके कहल्‍कै, “अबस्‍य तु ओकरेसबमेसे एक चिही, कथिलेकी तोहर बोलीके लबजेसे थाह हैछौ।”

मतीके लिखल सुसमाचार 26:75

तब येसुके कहल बात पतरुसके याद परलै, “मुरगा डाँक दैसे पैहने तु हमरा तिन बेर इन्‍कार करबिही।” तब पतरुस बाहर निकैलके हेकैच-हेकैचके काने लाग्‍लै।

मतीके लिखल सुसमाचार 27:25

भिरके सबलोक जबाफ देल्‍कै, “अकर लहुके दोस हमरासबमे आ हमरासबके बेटा-बेटीसबमे परे!”

मरकुस 14:30

तब येसु पतरुसके कहल्‍कै, “साँचोके, हम तोरा कहैचियौ, आइ रात मुरगा दुइबेर डाँक दैसे पैहने तु हमरा तिन बेर नै चिन्‍हैचियै कैहके इन्‍कार करबिही।”

मरकुस 14:68

महज पतरुस एहेन कैहके इन्‍कार करल्‍कै, “नै गे, तु कथी कहैचिही हम त कुछो नै जानैचियै नै बुझैचियौ।” जब उ अङनासे बाहर जाइबला केबार दिसन गेलै आ तखुन्‍ते मुरगा डाँक देल्‍कै।

लुका 22:60

महज पतरुस कहल्‍कै, “धु मरदे, तोहे कथी कहैचहक, हम नै जानैचियै!” तहै बखत पतरुस बोलतैखिना मुरगा डाँक देल्‍कै।

युहन्‍ना 18:27

तब पतरुस फेनो इन्‍कार करल्‍कै, तखुन्‍ते मुरगा डाँक देल्‍कै।

रोमी 9:3

यदि हमर आपने जातिके इजराएली लोकसब मुक्‍ती पाबैछै त, हम खिरिस्‍टके सराप सहैले आ ओकरसे अलगो हैले तयार चियै।

१ कोरन्‍थी 16:22

कोइ परभुके परेम नै करतै त उ सरापित हेबे। हे अपनासबके परभु, आबु!

परकास 3:19

जकरा हम परेम करैचियै, तकरा डाटै चियै आ सजाय द्‍याके सुधारैचियै। साच्‍चेके पाप करैले छोर आ हमरलग या।