मतीके लिखल सुसमाचार 26:53 - मध्‍य पुरविया थारू

⁵³ तु कि सोचैचिही यदी हम माङने रहतियै त कि हमर पिता तुरन्‍त बारह पल्‍टनसे बेसी स्‍वरगदुतसब नै पठादेतियै?

मतीके लिखल सुसमाचार 26:53 ပူးပေါင်းရင်းမြစ်များ

मतीके लिखल सुसमाचार 25:31

येसु कहल्‍कै, “जहिया मानबके बेटा पुरे स्‍वरगदुतसङे आपन महिमामे एतै, तहिया उ आपन महिमाके सिंहासनमे बैठतै।

मतीके लिखल सुसमाचार 4:11

तब सैतान येसु लगसे चैलगेलै आ स्‍वरगदुतसब आइबके ओकर सेबा-टहल करे लाग्‍लै।

मरकुस 5:15

तब उसब येसु लग एलै आ उसब बहुत भुत लागल लोकके मन निक भ्‍याके असल असल बस्‍तर लग्‍याके बैठल देखल्‍कै। यि देखके ओइसबके डर भ्‍यागेलै।

मरकुस 5:9

तब येसु ओकरा पुछल्‍कै, “तोहर नाम कथी चियौ?” उ कहल्‍कै, “हमर नाम फौज चियै, कथिलेत हमरौरके बहौत चियौ।”

लुका 8:30

येसु ओकरा पुछल्‍कै तोहर नाम कथी चियौ? उ कहल्‍कै, “फौज” कथिलेत ओकरा बहुत भुत लागल छेलै।

युहन्‍ना 10:18

कोइने हमर परान हमरासे लैले सक्‍तै, महज हम आपने राजिखुसीसे दैचियै। आपन परान दैके अधिकार हमरेसङे छै आ फेनो ओकरा लैयोके अधिकार छै। एह्‍या आग्‍या हम आपन पितासे पाबनेचियै।”

युहन्‍ना 18:36

तब येसु जबाफ देल्‍कै, “हमर राज यि सन्‍सारके नै चियै। हमर राज यि सन्‍सारके रहतियै त हमरा पछुवाइबला हमर लेल लराइ करतियै आ हम यहुदीसबके हाथमे नै परतियै। महज हमर राज यि सन्‍सारके नै चियै।”

२ थेसलोनिकी 1:7

परमेस्‍वरमे दुख सहैबला तोरासबके आ हमरासबके छुटकारा देतौ। यि त तब हेतै, जब परभु येसु स्‍वरगसे धधकैत आइगमे आपन सक्‍तीसाली स्‍वरगदुतसबसङे परगट हेतै तब यि सब करतै।

यहुदा 1:14

आदमसे सातम पुस्‍ताके हनोक यि लोकसबके बारेमे एहेन अगमबानी कहनेरहै, “देख, हजारो-हजार पबितर स्‍वरगदुतसब सङे परभु आबैछै।