मतीके लिखल सुसमाचार 23:4 - मध्‍य पुरविया थारू

⁴ उसब धरम-करमके बहौत भारी लोकसबके बोकाबैछै, महज अपने उ भारी बोकैके त दुरके बात अंङरीयो तक नै बरहाइछै।

मतीके लिखल सुसमाचार 23:4 ပူးပေါင်းရင်းမြစ်များ

मतीके लिखल सुसमाचार 23:23

“महज तु धरमगुरुसब आ फरिसीसबके धिक्‍कार! तुसब कपटी चिही! कथिलेत तुसब पुदिना, सोप आ जिराके दसांस त चरहाइचिही, महज बेबस्‍थामे रहल गहनगर बातसब नियाय, दया आ बिस्‍बास योग्‍य जखा बहौत असल बातसबके कुछो मतलब नै राखैचिही। महज करैके एहो छेलौ कि तुसब बेबस्‍थामे रहल बातसबके माने परतियौ।

मतीके लिखल सुसमाचार 23:3

ओहैसे तुसब ओइसबके कहल सब बात करिहे। महज उसब जे करैछै से तुसब नै करिहे, कथिलेकी उसब दोसरके त सिखाइछै महज आपने ओइ अनुसार नै चलैछै।

लुका 11:46

येसु जबाब देल्‍कै, “तु धरमगुरुवोसबके धिक्‍कार! कथिलेत बोकैयोसे बेसी भारी लोकसबके उपर तुसब लाध्‍हैचिही, महज तुसब आपन एकटा औङरीयो के दुख नै दैले चाहैचिही।

परेरित 15:10

तहै खातिर बिस्‍बासीके कन्‍हामे यि जुवा राइखके कथिले परमेस्‍वरके परिक्‍छा करैचिही? यि जुवा नै त अपनासबके पिता-पुरखा नै त आपनेसब बोके सक्‍लियै।

परेरित 15:28

पबितर आत्‍मा आ हमरासबके यि उचित लाग्‍लै कि पालन करैबला मुख बातके अलाबा औरो कोनो बोझ नै हेबे।

गलाती 6:13

कथिलेत खतना करैबलासब आपने बेबस्‍था पालन नै करैछै। उसब तोरासबके खतना कराबैले चाहैछौ, जैसे तोरासबके देहमे यी बेबस्‍थाके पालन कराके घमन्‍ड करैले सके।

१ युहन्‍ना 5:3

परमेस्‍वरसे परेम करनाइके मतलब ओकर आग्‍यासबके पालन करनाइ चियै। ओकर आग्‍यासब हमरासबके लेल भैरगर नै छै।

परकास 2:24

महज एहेन खराब सिक्‍छामे नै लागल आ सैतानके भितरी रहसके बात नै मानैबला थिआटिरामे भेल औरो लोकके कहैचियौ कि, हम तोरासबके औरो कोनो भारी आग्‍या नै देबौ।