मतीके लिखल सुसमाचार 20:1 - मध्‍य पुरविया थारू

¹ येसु कहैत गेलै, “स्‍वरगके राज जमिनके एकटा एहेन मालिक जखा चियै जे, बिहान सबेरे-सबेरे अङगुर बारीमे काम करैबला जनसबके ताकैले निकललै।

मतीके लिखल सुसमाचार 20:1 ပူးပေါင်းရင်းမြစ်များ

मतीके लिखल सुसमाचार 13:24

येसु लोकसबके दोसर खिसा सुनाइल्‍कै, “देख, स्‍वरगके राज एकटा एहेन लोकसे तुलना करल जाइछै जे आपन खेतमे असल बिचहन छिटैछै।

मतीके लिखल सुसमाचार 13:31

येसु फेनो ओइसबके दोसर खिसा कहल्‍कै, “स्‍वरगके राज रायके बिया जखा चियै, जे एकटा लोक लज्‍याके आपन बारीमे रोपल्‍कै।

मतीके लिखल सुसमाचार 13:33

तब येसु फेन ओइसबके दोसर खिसा कहल्‍कै, “स्‍वरगके राज रोटी फुलाइबला खमिर जखाछै, जे एकटा जनी पच्‍चिस किलो आँटामे मिल्‍याके सानल्‍कै आ उ जम्‍मे अँटा फुइल जाइछै।”

मतीके लिखल सुसमाचार 13:47

“फेन स्‍वरगके राज त समुन्‍दरमे माछ मारैले राखल एकटा जाल जखा चियै, जैमे सब परकारके माछ परैछै।

मतीके लिखल सुसमाचार 20:2

तब ओइ जनसबके एक दिनके बैन चानीके एक टका तोइकके आपन अङगुरके बारीमे काम करैले पठेल्‍कै।

मतीके लिखल सुसमाचार 21:28

तब येसु मुख पुजारीसब आ अगुवासबके कहल्‍कै, “हम तोरासबके एकटा खिसा कहैचियौ। उ खिसा सुइनके आपन आपन बिचार कहेसकैचिही। एकटा लोकके दुइ बेटा छेलै। उ लोक पहिन्‍का बेटा लग ज्‍याके कहल्‍कै, ‘बेटा, आइके तु अङगुर बारीमे ज्‍याके काम करिहे।’

मतीके लिखल सुसमाचार 22:2

“स्‍वरगके राज एकटा एहेन रजा सङे तुलना करेसकैचियै जे आपन बेटाके बियाह उत्‍सबमे भोज करल्‍कै।

मतीके लिखल सुसमाचार 23:37

“ए यरुसलेमके लोकसब! तु अगमबक्‍तासबके मारैचिही आ परमेस्‍वर तोरासबलग पठेल्‍हासबके पथलसे मारैचिही। जनङ मुरगा आपन बच्‍चासबके डेन तरमे राखैछै, ओहिने हम बहुतो बेर तोहर बच्‍चासबके बचाइले चाहलियै, महज तु नै मानलिही।

मतीके लिखल सुसमाचार 25:1

येसु कहल्‍कै, “स्‍वरगके राज एहेन चियै- दसटा कुमाइर कनिया आपन-आपन चिरखा ल्‍याके बरके भेटैले निकललै।

मतीके लिखल सुसमाचार 25:14

येसु कहल्‍कै, “स्‍वरगके राज एहैनके चियै: एकटा धनिक लोक जब परदेस जाइले लाग्‍लै त आपन नोकरसबके बोलाके आपन धनसम्‍पैत जिमा देल्‍कै।

मतीके लिखल सुसमाचार 3:2

“आपन पापके खातिर पस्‍चाताप कर, कथिलेत स्‍वरगके राज लग आइब गेल्‍छौ।

मरकुस 13:34

यि त एकटा लोक बिदेस गेल जखा चियै। जाइसे पहिने उ आपन नोकर-चाकरसबके घरमे सब काम-काजसबके जिम्‍मा लग्‍याके आ पहरेदारके जागल रह कैहके आग्‍या द्‍याके बिदेस गेल जखा चियै।

युहन्‍ना 15:1

येसु आपन चेलासबके कहल्‍कै, “साँचो अङगुरके लती हम्‍ही चियै आ हमर पिता किसान चियै।

१ कोरन्‍थी 15:58

तैखातिर हे हमर पिरिय भाइ-भैयासब, बिस्‍बासमे बलगर आ अस्‍थिर रह। तुसब परभुके काममे बरहैत जो, कथिलेत तुसब जानैचिही कि परभुमे तोरासबके मेहनत बेरथ नै हेतौ।

हिबरु 13:21

तोरासबके हर परकारके असल गुनसबसे भरिपुरन करे आ तुसब ओकर इक्‍छा पुरा करैले सक। परमेस्‍वरके जे मन परैबलाछै से येसु खिरिस्‍ट दुवारा उ तोरासबमे करे। ओकर महिमा जुगो जुग तलिक रहे। आमेन।