मतीके लिखल सुसमाचार 2:4 - मध्‍य पुरविया थारू

⁴ तब रजा हेरोद ओतेका मुल पुजारीसब आ धरमगुरुसबके बोल्‍याके पुछल्‍कै कि “खिरिस्‍टके जलम कते भेलै?”

मतीके लिखल सुसमाचार 2:4 ပူးပေါင်းရင်းမြစ်များ

मतीके लिखल सुसमाचार 13:52

तब येसु फेनो ओइसबके कहल्‍कै, “अहै खातिर स्‍वरगके राजके बारेमे जानकार भेल्‍हा हरेक धरमगुरु एकटा घरके मालिक जखा चियै, जे आपन बखारीसे लबका आ पुरन्‍का अनमोल चिजसब निकाइल सकैछै।”

मतीके लिखल सुसमाचार 2:3

जब हेरोद रजा यि बात सुनल्‍कै, तब उ बेचैन भेलै आ ओइसबसङे पुरे यरुसलेमो बेचैन भेलै।

मतीके लिखल सुसमाचार 2:5

तब उसब ओकरा कहल्‍कै, “यहुदिया परदेसके बेथलेहेम गाममे, कथिलेत परमेस्‍वरके अगमबक्‍ता यि लिखने छै:

मतीके लिखल सुसमाचार 21:15

जब मुल पुजारीसब आ धरमगुरुसब येसुके करल अचमके कामसब देखल्‍कै आ मन्‍दिरमे बच्‍चासब “दाउदके पुतरके जय हेबे” कैहके जोर-जोरसे हल्‍ला करैत सुनल्‍कै, तब उसब एकदम खिस्‍याइलै।

मतीके लिखल सुसमाचार 21:23

जब येसु मन्‍दिरमे सिक्‍छा दैछेलै तब मुल पुजारीसब आ अगुवासब ओकरलग आइबके कहल्‍कै, “कोन अधिकारसे तु यि कामसब करैचिही? यि अधिकार तोरा के देल्‍कौ?”

मतीके लिखल सुसमाचार 26:3

ओहै बखत परधान पुजारी कैयाफाके दरबारमे मुख पुजारीसब आ अगुवासब जमा भ्‍याके बैठक बैठलै।

मतीके लिखल सुसमाचार 26:47

येसु यि बातसब कहते रहलै, कि तखनिए यहुदा जे ओकर बारह गोरा चेलामेसे एकटा छेलै से एलै। ओकरसङे लाठी आ तलबार लेने लोकसबके एकटा भिर छेलै। ओइसबके मुल पुजारीसब आ अगुवासब पठेने छेलै।

मतीके लिखल सुसमाचार 27:1

बिहानके मुख पुजारीसब आ अगुवासब एकमत भ्‍याके येसुके मारैके योजना बनेल्‍कै।

मतीके लिखल सुसमाचार 7:29

कथिलेत उ धरमगुरुसब जखा नै महज अधिकारसे भरल लोक जखा सिखाइछेलै।

मरकुस 8:31

तब येसु आपन चेलासबके एहेन सिक्‍छा दैले लाग्‍लै, “मानब बेटाके बहुत दुख भोगैले परतै आ उ अगुवासबसे, मुल पुजारीसबसे आ धरमगुरुसबसे इन्‍कार हेतै, मारल जेतै आ तेसर दिनमे फेनो जिके उठतै।”

लुका 20:19

तब धरमगुरुसब आ मुल पुजारीसब येसुके तखुन्‍ते पकरैले चाहल्‍कै, कथिलेत उसब जानैछेलै कि यि दिस्‍टान्‍त ओहैसबके बिरुधमे कहने रहै। महज उसब लोकसबसे डराबै छेलै।

लुका 23:10

मुल पुजारीसब आ धरमगुरुसब ठडा भ्‍याके येसुके बिरोधमे जोरसे दोस लगाबे लाग्‍लै।

युहन्‍ना 18:3

तैबखत यहुदा सिपाहीसबके एकटा दल, मुल पुजारीसब आ फरिसीसबसे पठ्‍याल पहरेदारसबके ल्‍याके ओते एलै। उसब आपन साथमे लालटेम, उँकासब आ हाथ-हथियारसब बोक्‍ने छेलै।

युहन्‍ना 3:10

तब येसु जबाब देल्‍कै, “तु त इजराएलके गुरु चिही, तैयो यि बात नै बुझैचिही?

युहन्‍ना 7:32

जब फरिसीसब भिरमे येसुके बारेमे गुदुरफुसुर करैत सुनल्‍कै, तब मुल पुजारीसब आ फरिसीसब ओकरा पकरैले मन्‍दिरके पहरेदारसबके पठेल्‍कै।

युहन्‍ना 8:3

ओहै समयमे धरमगुरुसब आ फरिसीसब बेबिचारमे पकराउ परल एकटा जनिके आनल्‍कै आ लोकसबके अगामे ठार करल्‍कै।

परेरित 23:9

तब ओते जोर-तोरसे होहल्‍ला भेलै आ फरिसी दलके कुछ धरमगुरुसब खरा भ्‍याके सदुकीसबके घोर बिरोध करैत कहल्‍कै, “हमसब यि लोकमे कोनो दोस नै देखलियै। यदी अइ लोकसे आत्‍मा या स्‍वरगदुते बोल्‍तै त कथी भेलै!”

परेरित 4:5

तकर बिहान यरुसलेमके सासकसब, अगुवासब आ धरमगुरुसब यरुसलेममे भेला भेलरहै।

परेरित 6:12

तब अहिनङे उसब जनताके, धरमगुरुके आ अगुवासबके बहकेल्‍कै, उसब मिलके स्‍तिफनसके पकैरके महासभामे आनल्‍कै।