मतीके लिखल सुसमाचार 2:23 - मध्‍य पुरविया थारू

²³ ओतेसे उ नासरत नामके सहरमे रहेलाग्‍लै। अहिनङे परमेस्‍वरके अगमबक्‍तासबके कहल बात पुरा भेलै: “उ नासरी कहेतै।”

मतीके लिखल सुसमाचार 2:23 ပူးပေါင်းရင်းမြစ်များ

मतीके लिखल सुसमाचार 1:22

अगमबक्‍तासे परमेस्‍वरके कहल बचन पुरा हैकेलेल यीसब भेल छै-

मतीके लिखल सुसमाचार 21:11

अगा-पछा चलैबला भिरके लोकसब ओइसबके जबाफ देल्‍कै, “यि त गालिल परदेसके नासरतसे एल अगमबक्‍ता येसु चियै।”

मतीके लिखल सुसमाचार 26:71

अतेक कहैत पतरुस अङनाके केबार दिसन गेलै। ओतबेहेकमे दोसर नोकरनी ओकरा देखके ओते भेल्‍हा लोकसबके कहल्‍कै, “यि लोक सेहो नासरतके येसुसङे छेलै।”

मरकुस 1:24

“हौ, नासरतके येसु, अहाँके हमरासबसे कोन काम? अहाँ हमरासबके बरबाद करैले एलचियै? अहाँ के चियै से हमरा थाहछै, अहाँ परमेस्‍वरके पठेल्‍हा एकटा पबितर जन चियै।”

मरकुस 1:9

जब युहन्‍ना परचार कैर रहल छेलै तहै बखत येसु गालिलके नासरतसे एलै आ युहन्‍नासे उ यरदन लदीमे बप्‍तिस्‍मा लेल्‍कै।

लुका 1:26

एलिसिबाके देहभारी भेला छ महिनाके बाद परमेस्‍वर गबरिएल स्‍वरगदुतके गालिल परदेसके नासरत सहरमे पठाइल्‍कै।

लुका 18:37

लोकसब ओकरा जबाफ देल्‍कै, “नासरतके येसु यहै बाटे ज्‍यारहल छै।”

लुका 2:39

जब योसेफ आ मरियम परमपरभुके नियम अनुसार सबकाम कैरके ओराइल्‍कै तकरबाद उसब गालिलके आपन सहर नासरतमे गेलै।

युहन्‍ना 18:5

तब उसब जबाफ देल्‍कै, “नासरतके येसुके।” येसु कहल्‍कै, “हम ओह्‍या चियौ।” (ओकरा पकरा दैबला यहुदो ओकरासबसङे ठारभेल छेलै।)

युहन्‍ना 18:7

तब येसु फेनो उसबके पुछल्‍कै, “तुसब ककरा ताकैचिही?” उसब कहल्‍कै, “नासरतके येसुके।”

युहन्‍ना 19:19

पिलातस एकटा दोस-पतरो लिखैले आ कुरूसमे टाङैले लगाइल्‍कै। उ दोस पतरमे एहेन लिखल छेलै, “नासरतके येसु, यहुदीसबके रजा।”

परेरित 2:22

“इजराएलके लोकसब, यि बात सुन, नासरतके येसु एहेन लोक छेलै, जकरा परमेस्‍वर सक्‍तिसाली कामसब, अच्‍चमके कामसब आ चेन्‍हासबसे तोरौरके अगा साबित करल्‍कौ। तोरौरके थाहे छौ कि परमेस्‍वर तोरासबके बिचमे यि सब कामसब ओकरसे कराइने छै।

परेरित 24:5

कथिलेत यि कलह मचाइबला लोक चियै, सरा सन्‍सारके यहुदीसबमे हुलदङा मचाइते घुमैछै आ नासरी कहाइबला झुठा-पन्‍थके मुल अगुवा चियै।