मतीके लिखल सुसमाचार 2:13 - मध्‍य पुरविया थारू

¹³ उ ज्‍योतिससब गेलाके बाद, परमपरभुके एकटा दुत सपनामे योसेफलग देखा परलै आ कहल्‍कै, “उठ, बालक आ ओकर माँ के ल्‍याके मिसर देसमे भाइग जो आ हम तोरा नै कहै तक ओतै रह। कथिलेत हेरोद बालकके मारैले ओकरा खोजी कैररहल छौ।”

मतीके लिखल सुसमाचार 2:13 ပူးပေါင်းရင်းမြစ်များ

मतीके लिखल सुसमाचार 1:20

महज जब योसेफ एह्‍या बातके बिचार करतै रहै, तब सपनामे परमपरभुके स्‍वरगदुत एलै आ ओकरा अनङ कहल्‍कै, “हौ दाउदके खानदानके योसेफ, तु मरियमके आपन घरबालीके रुपमे अपनाबैले नै डरा, कथिलेत जे ओकर पेटमे छौ, उ पबितर आत्‍मासे चियौ।

मतीके लिखल सुसमाचार 10:23

जब लोकसब तोरासबके एक गाममे सताइतौ तब दोसर गाममे भाइगके जो। साँचोके हम तोरासबके कहैचियौ, मानबके बेटा आबैसे पहिने तुसब इजराएलके सब गाम कोनोभी हालतमे आपन काज पुरा नै करने रहबिही।

मतीके लिखल सुसमाचार 2:12

तब हेरोदलग घुइमके नै जो कैहके सपनामे चेताबनी पाइबके उसब दोसर रस्‍ता हैत आपन देसमे घुइमके गेलै।

मतीके लिखल सुसमाचार 2:14

तब उ उइठके बालक आ ओकर माँ मरियमके साथमे ल्‍याके राता-रात मिसर देसमे चैलगेलै,

मतीके लिखल सुसमाचार 2:16

जब रजा हेरोद देखल्‍कै कि ज्‍योतिससब ओकरा धोखा देनेछै, तब उ तामससे चुर भ्‍यागेलै। ज्‍योतिसेसबसे थाह भेल्‍हा समय अनुसार बेथलेहेम आ ओइ इलाकामे भेल दुइ बरिस आ ओइसे कमके सब बालकसबके मारैले लगाइल्‍कै।

मतीके लिखल सुसमाचार 2:22

महज यहुदियामे हेरोदके बेटा अरखिलाउस, आपन बाबुके ठाममे, राज कैररहलछै से बात सुइनके उ ओने जाइले डेरेलै, तब फेनो उ सपनामे परमेस्‍वरके चेताबनी पाइबके गालिल परदेसमे गेलै।

परेरित 10:22

उसब जबाब देल्‍कै, “हमरासबके कप्‍तान करनेलियस पठाइनेछै। उ धरमी आ परमेस्‍वरके डर मानैबला लोक चियै। ओकरा यहुदियो जातीसब आदर करैछै। एकटा स्‍वरगदुतसे आदेस मिलल छै जे तोरा आपने घरमे बजाके तोहरसे उपदेस सुन्‍तौ।”

परेरित 10:7

जब ओकरसङे बोलैबला स्‍वरगदुत चैलगेलै, तब करनेलियस आपन दुइ गोरा नोकर आ एकटा आपन भक्‍त सिपाहीके बोलाइल्‍कै।

परेरित 12:11

जब पतरुसके होस खुल्‍लै तब उ कहल्‍कै, “साँचोके आब हमरा थाह भेलै, कि परभु आपन स्‍वरग दुत पठाके हेरोद रजाके हाथसे आ यहुदीसब जे करैले चाहैछेलै ओइसबसे हमरा छुटकारा देल्‍कै।”

परेरित 12:7

तब अचानक परभुके एकटा स्‍वरगदुत ओते देखा परलै आ कोठलीमे इजोत चमकलै। स्‍वरगदुत पतरुसके हिल्‍याके कहल्‍कै, “झटसिन उठ!” तब ओकर हाथमे बान्‍हल सिकरीसब आपने खुइलके गिर गेलै।

परेरित 16:36

जहलके हाकिम पावलके कहल्‍कै, “तोरा आ सिलासके छोइरदहै कैहके सहरके हाकिमसब खबर पठाइल्‍कै। आब तोरौरके खुसीसे जो।”

परेरित 5:19

महज ओहै रात परभुके एकटा स्‍वरगदुत जहलके केबारसब खोइल देल्‍कै आ बाहर लज्‍याके कहल्‍कै,

परेरित 7:19

फारो हमरासबके जातीके धोखा द्‍याके हमरासबके पुरखासबके आपन-आपन धियापुता बाहर निकालके राखैले बिबस करने रहै, जेकर कारन भरखर जलमल धियापुतासब मरैछेलै।

परकास 12:14

अजेगरसे बचैले उ जनीके उजार जगहमे जाइके लेल गरुरके दुइटा डेन देनेछेलै। ओते ओकर खातिर सारहे तिन बरिस तलिक पालन-पोसन करलजेतै।

परकास 12:4

ओकर नङरिसे स्‍वरगके एक तिहाइ तरासबके बरहाइरके पिरथिबीमे फेक देल्‍कै। तब जलमेलागल बच्‍चा जलमैत मातर खाइके लेल जलम दैबाली जनीके अगा उ अजेगर ठारभेल छेलै।

परकास 12:6

तब ओकर माँ उजार जगह दिसन भाग्‍लै, जते एक हजार दुइ सय साइठ दिन तलिक ओकरा पालन-पोसन करैले परमेस्‍वर ठाम तयार करने छेलै।