मतीके लिखल सुसमाचार 2:1 - मध्‍य पुरविया थारू

¹ रजा हेरोदके बखतमे यहुदिया परदेसके बेथलेहेम गाममे जब येसुके जलम भेलै, ओह्‍या बखत पुरुबसे ज्‍योतिसीसब यरुसलेममे एलै,

मतीके लिखल सुसमाचार 2:1 ပူးပေါင်းရင်းမြစ်များ

मतीके लिखल सुसमाचार 1:25

मरियमके बेटा नै जल्‍मै तक योसेफ ओकरसङे नै सुतलै। जब बालकके जलम भेलै तब योसेफ ओकर नाम येसु राखल्‍कै।

मतीके लिखल सुसमाचार 2:16

जब रजा हेरोद देखल्‍कै कि ज्‍योतिससब ओकरा धोखा देनेछै, तब उ तामससे चुर भ्‍यागेलै। ज्‍योतिसेसबसे थाह भेल्‍हा समय अनुसार बेथलेहेम आ ओइ इलाकामे भेल दुइ बरिस आ ओइसे कमके सब बालकसबके मारैले लगाइल्‍कै।

मतीके लिखल सुसमाचार 2:19

तब हेरोद रजा मरलाके बाद, परमपरभुके एकटा स्‍वरगदुत सपनामे योसेफ लग मिसरमे देखाब देल्‍कै आ कहल्‍कै,

मतीके लिखल सुसमाचार 2:3

जब हेरोद रजा यि बात सुनल्‍कै, तब उ बेचैन भेलै आ ओइसबसङे पुरे यरुसलेमो बेचैन भेलै।

मतीके लिखल सुसमाचार 2:5

तब उसब ओकरा कहल्‍कै, “यहुदिया परदेसके बेथलेहेम गाममे, कथिलेत परमेस्‍वरके अगमबक्‍ता यि लिखने छै:

मतीके लिखल सुसमाचार 2:7

तब रजा हेरोद ओइ ज्‍योतिससबके एकान्‍तमे बोल्‍याके तरा कोन बखतमे देखा परल छेलै, से बात ओइसबके पुछपाछ कैरके सहि समय पता लगाइल्‍कै।

लुका 1:5

यहुदियाके रजा हेरोदके बखतमे अबियाके कुलमे एकटा जकरिया नामके पुजारी छेलै। ओकर घरबाली एलिसिबा सेहो हारुनेके कुल-खन्‍दानके छेलै।

लुका 2:11

आइ दाउदके सहरमे मुक्‍तीदाताके जलम भेल छै, जे खिरिस्‍ट परभु चियै।

लुका 2:15

जब स्‍वरगदुतसब चरबाहासबके छोइरके स्‍वरग दिसन गेलै तब चरबाहसब आपनेमे बतियाइत कहल्‍कै, “चल अपनासब बेथलेहेम तक आ परमपरभुके कहलाहा बातसब ज्‍याके देखेपरतै।”

युहन्‍ना 7:42

पबितर धरमसास्‍तरमे खिरिस्‍ट रजा दाउदके बंससे आ दाउदेके गाम बेथलेहेमसे एतै कैहके लिखल नै छै से?”