मतीके लिखल सुसमाचार 18:8 - मध्‍य पुरविया थारू

⁸ यदी तोहर हाथ या टाङ पाप करैले लगाइछौ त ओकरा काइटके फेकदहै। दुनु हाथ या टाङ ल्‍याके नै बुताइबला आइगमे जाइसे बरु त लुल्‍हा आ नेङर भ्‍याके अनन्‍त जिबनमे परबेस करनाइ उचित छै।

मतीके लिखल सुसमाचार 18:8 ပူးပေါင်းရင်းမြစ်များ

मतीके लिखल सुसमाचार 17:27

महज उसब अपनासबसे नै खिस्‍याबे कैहके, तालमे जो आ बन्‍सी फेक। तब पहिन्‍का परल माछके मुहमे एकटा चानीके डलर पेब्‍ही। उ डलर ल्‍याके अपना दुनु गोरेके बटी ओइसबके तिरदहै।”

मतीके लिखल सुसमाचार 25:41

“तकरबाद उ आपन बमा कता भेल्‍हासबके कहतै, हे परमेस्‍वरसे सराप पाबलाहा लोकसब। हमरसे दुर चैल जो! सैतान आ ओकर दुतसबके लेल तैयार करल कहियो नै मुझाइबला आइगमे चैल जो।

मतीके लिखल सुसमाचार 25:46

तब उसब दन्‍डके भागिदार हेतै, महज धरमीसब अनन्‍त जिबन पाबतै।”

लुका 14:33

तै खातिर तोरासबमेसे जे हमर लेल आपनसङे भेल्‍हा सबचिज नै छोरतै त, हमर चेला बने नै सक्‍तै।”

लुका 16:24

तब उ चिच्‍याके कहल्‍कै, ‘हे पिता अबराहम, हमर उपर दया कैरके लाजरसके पठादिय आ उ आपन औङरीके टुप्‍पी पानीमे डुबाके हमर जिहके जुर कैरदेतै, कथिलेत हम अते आइगके धिधरामे बहुत दुख भोइगरहलचियै।’

रोमी 13:12

रात बितगेलै आ दिन नजदिक आइबगेल छै। तैल्‍याके अपनासब अन्‍हारमे करैबला खराब काम छोइरके इजोतमे करैबला असल काम करैले तैयार रह।

परकास 14:10

तकरा परमेस्‍वरके करोधके बाटीमे बिना मिलाबटके तयार करल परमेस्‍वरके करोधके करा दाखमध पियैले परतै। उसब पबितर स्‍वरगदुतसब आ थुमाके अगा आइग आ गन्‍धकमे कस्‍ट भोग्‍तै।

परकास 20:15

जकर-जकर नाम जिबनके किताबमे लिखल नै भेटलै, ओकरासबके आइगके भठिमे फेकदेल्‍कै।

परकास 21:8

महज डरपोकसब, बिस्‍बास नै करैबलासब, घिनलागैबला काम करैबलासब, हतियारासब, बेबिचारीसब, जादु-टोना करैबलासब, मुरती पुजा करैबलासब आ झुठ बोलैबलासबके ठाम त आइग आ गन्‍धक बरैबला भठिमे हेतै। यि दोसर मिरतु चियै।”