मतीके लिखल सुसमाचार 17:18 - मध्‍य पुरविया थारू

¹⁸ तब येसु भुत आत्‍माके डाटल्‍कै आ भुत आत्‍मा ओकरसे निकैलेके गेलै। तब तखुन्‍ते उ छौरा निक भेलै।

मतीके लिखल सुसमाचार 17:18 ပူးပေါင်းရင်းမြစ်များ

मतीके लिखल सुसमाचार 12:22

तब लोकसब एकटा भुत आत्‍मा लागल आन्‍हर आ बौक लोकके येसु लग आनल्‍कै। येसु ओकरा निक करल्‍कै तब उ लोक बोले आ देखे लाग्‍लै।

मतीके लिखल सुसमाचार 15:28

तब येसु ओकरा जबाब देल्‍कै, “ए जनि, तोहर बिस्‍बास बहौत बरका छौ। जैहनङ तु चाहैचिही तैहनङ तोहर लेल हेबे।” तखुन्‍ते ओकर बेटी निक भ्‍यागेलै।

मतीके लिखल सुसमाचार 17:17

तब येसु जबाफ देल्‍कै, “ऐ बिस्‍बास नै करैबला आ दुस्‍ट पुस्‍ता, हम कहियातक तोरासबके सङे रहबौ? कहियातक तोरासबके कमजोर बिस्‍बासके सहैत रहबौ? ओकरा अते हमरलग आन।”

मतीके लिखल सुसमाचार 17:19

तकरबाद चेलासब येसुके असगरेमे पुछल्‍कै, “हमसब कथिले ओइ भुत आत्‍माके निकालैले नै सकलियै?”

मतीके लिखल सुसमाचार 9:22

तब ठामे घुइमके येसु ताकल्‍कै त ओइ जनिके देखल्‍कै आ कहल्‍कै, “बेटी, साहस कर, तोहर बिस्‍बास तोरा निक करल्‍कौ।” उ जनी तखुन्‍ते निक भ्‍यागेलै।

मरकुस 1:34

येसु बहौत किसिमके रोगी-बिमारीसबके निक करल्‍कै आ भुतोसबके निकालल्‍कै महज उ खिस्‍याके भुतसबके बोले नै देल्‍कै कथिलेत उसब ओकरा चिन्‍हैछेलै।

मरकुस 5:8

यि लोक एहेन बात कहल्‍कै, कथिलेत येसु ओकरा कहने रहै, “ए असुध आत्‍मा, ओइ लोकसे निकैल जो।”

लुका 4:41

बहुत लोकसबके देहसे भुतसब चिच्‍याइते ऐहेन कैहके निकल्‍लै, “अहाँ परमेस्‍वरके बेटा चियै!” महज येसु खिस्‍याके भुतसबके बोले नै देल्‍कै कथिलेत मुक्‍ती दैबला खिरिस्‍ट चियै कैहके चिन्‍हैछेलै।

लुका 8:29

कथिलेत येसु भुत आत्‍माके ओइ लोकसे निक्‍लैके आग्‍या देने छेलै। ओकरा बहुत बेर भुत लागल छेलै। लोकसब बहुत बेर ओकर टाङ-हाथ घुरीसे खुट्‍टामे बान्‍हैछेलै महज ओइ घुरीके तोइर दैछेलै। तब भुत आत्‍मा ओकरा उजार जगह दिसरा ल्‍याजैछेलै।

लुका 9:42

महज ओइ बालकके येसु लग आनैबखत भुत आत्‍मा ओकरा पटैकके मुह भुँइयामे घोसियाइले लाग्‍लै। महज येसु ओइ भुत आत्‍माके हकारल्‍कै आ ओइ बालकके निक कैरके ओकर बाबुके जिमा लग्‍या देल्‍कै।

परेरित 16:18

उ छौरी बहौत दिनतक ओहिनङ करैत रहलै। बादमे पावल एक दिन दिक्‍क भ्‍यागेलै तब ओकर दिसन घुइमके भुत आत्‍माके कहल्‍कै, “हम येसु खिरिस्‍टके नाममे हम तोरा आग्‍या दैचियौ, तु यि छौरीसे निकैलके चैलजो।” पावल यि बात कहैत मातर उ भुत आत्‍मा ओइ छौरीसे निकैलके चैलगेलै।