मतीके लिखल सुसमाचार 13:44 - मध्‍य पुरविया थारू

⁴⁴ “स्‍वरगके राज खेतमे गारल बहुत अनमोल धन जखा चियै, जे कोनो एकटा लोकके भेटैछै, ओकरा उ माइटके तरमे गाइरके राखैछै आ खुसी हैत जाइछै आ आपन सब धन-सम्‍पती बेचके ओहे खेत किनैछै।

मतीके लिखल सुसमाचार 13:44 ပူးပေါင်းရင်းမြစ်များ

कलस्‍सी 2:3

ओकरेमे परमेस्‍वरके सब ग्‍यान आ बुइधके सारा सम्‍पतीके भन्‍डारछै।

लुका 14:33

तै खातिर तोरासबमेसे जे हमर लेल आपनसङे भेल्‍हा सबचिज नै छोरतै त, हमर चेला बने नै सक्‍तै।”

मतीके लिखल सुसमाचार 6:21

कथिलेत जते तोहर धन रहतौ, ओतै तोहर मन रहतौ।

मतीके लिखल सुसमाचार 19:29

जे कोइ हमर खातिर आपन घरदुवार, भाइ-बहिन, माँ-बाबु, बेटा-बेटी आ जगहा-जमिन छोरैछै, उ सय गुना पाबतै आ अनन्‍त जिबनके हकदार हेतै।

परकास 3:18

अहैलेल हम तोरा यि सल्‍लाह दैचियौ कि, धनिक हैकेलेल आइगसे खारल निखुर सोना हमरसे किन। आपन नाङट आङके लाज झापैके लेल उजर बस्‍तर हमरसे किनके लगा आ आँखसे देखे सकैबला हैकेलेल हमरे मलहम किनके लगा।

मतीके लिखल सुसमाचार 19:27

तब पतरुस कहल्‍कै, “देखु, हमसब त आपन सबकुछ छोइरके अहाँके पछा लागलेचियै। हमरासबके कथी मिल्‍तै?”

मतीके लिखल सुसमाचार 19:21

येसु ओकरा कहल्‍कै, “यदि तु साँचेके असल हैले चाहैचिही त, तोहरसङे भेल सब धन-सम्‍पती बेचके गरिबसबके बाइट दहै तब तोरा स्‍वरगमे धन मिल्‍तौ। तब आइबके हमर पछा लाग।”

रोमी 15:4

पबितर धरमसास्‍तरमे पहिने लिखल बातसब अपनासबके सिक्‍छा दैकेलेल छेलै। धरमसास्‍तरमे भेल बातसे अपनासबके सहैबला सक्‍ति आ हौसला दैछै ताकी अपनासबके आसा बनल रहे।

मतीके लिखल सुसमाचार 13:24

येसु लोकसबके दोसर खिसा सुनाइल्‍कै, “देख, स्‍वरगके राज एकटा एहेन लोकसे तुलना करल जाइछै जे आपन खेतमे असल बिचहन छिटैछै।

हिबरु 10:34

तुसब जहलमे परलहा लोकसबके दया देखाइलिही, आपन सम्‍पती लुटलगेलै तैयो खुसिसाथ सहन करलिही, कथिलेकी तुसब जानैछेल्‍ही, कि औरो उतम आ सबदिन रहैबला सम्‍पती आपनेसङे छै।

युहन्‍ना 6:35

तब येसु फेनो उसबके कहल्‍कै, “जिबनके रोटी हम्‍ही चियौ। जे हमरलग एतै उ कहियो नै भुखल रहतै आ हमरमे बिस्‍बास करैबला कहियो नै पियासल रहतै।

कलस्‍सी 3:16

खिरिस्‍टके बचनसे तोरासबके हिरदय परसस्‍त कैरके भरल रहे। आपन पुरे ग्‍यान-बुइधसे एक दोसरके सिखा आ सल्‍लाह दैबला काम कर। परमेस्‍वरके हिरदयसे धन्‍यबाद दैत भजन, इस्‍तुति-परसन्‍सा आ आत्‍मिक गितसब गाब।

मतीके लिखल सुसमाचार 13:46

जब ओकरा एकटा अनमोल मोती भेटैछै तब ज्‍याके आपनसङे भेल्‍हा सब धन-सम्‍पती बेचके उ मोती किनैछै।

मतीके लिखल सुसमाचार 13:47

“फेन स्‍वरगके राज त समुन्‍दरमे माछ मारैले राखल एकटा जाल जखा चियै, जैमे सब परकारके माछ परैछै।