मतीके लिखल सुसमाचार 13:30 - मध्‍य पुरविया थारू

³⁰ बाली काटै बखत तक दुनुके सङे-सङे बरहेदहै। गहुम काटै बखत हम काटैबलासबके कहबै, ‘पहिने झरके ढेरिया आ डाहैले बोझा बान्‍ह, तब गहुमके हमर बेखारीमे राख।’”

मतीके लिखल सुसमाचार 13:30 ပူးပေါင်းရင်းမြစ်များ

मतीके लिखल सुसमाचार 13:25

महज राइतमे लोकसब सुतल बखत ओकर दुस्‍मन एलै आ गहुम छिटल खेतमे झरके बिचहनसब छिटके चैलगेलै।

मतीके लिखल सुसमाचार 13:29

“महज मालिक कहल्‍कै, ‘नै’, अखुन नै उखार, कथिलेत झर सङे गहुमो उखैर जेतौ।

मतीके लिखल सुसमाचार 25:32

ओइ बखत पिरथिबीके सब जातीके लोकसब ओकर अगा जमा हेतै, जनङ चरबहा भेंरासबसे खसि-बकरीके अलग करैछै तहिने उ लोकसबके एकदोसरसे अगल करतै।

मतीके लिखल सुसमाचार 25:41

“तकरबाद उ आपन बमा कता भेल्‍हासबके कहतै, हे परमेस्‍वरसे सराप पाबलाहा लोकसब। हमरसे दुर चैल जो! सैतान आ ओकर दुतसबके लेल तैयार करल कहियो नै मुझाइबला आइगमे चैल जो।

मतीके लिखल सुसमाचार 3:12

फटकैबला सुपा ओकरे हाथमे छौ आ उ आपन खरहियानके आपने साफ करतौ। आपन गहुम बखारीमे जम्‍मा करतौ, महज भुसा जतेक सब नै बुताइबला आइगमे जराइतै।”

लुका 3:17

फटकैबला सुपा ओकरे हाथमे छै, फटैक के गहुम आ भुसा अलग करतौ तब गहुमके बखारीमे जम्‍मा करतौ, तब भुसाके कहियो नै बुताइबला आइगमे जराइतौ।”

युहन्‍ना 15:6

यदी कोइ हमरमे नै रहतै त, उ काटल ठाइर जखा बाहर फेकल जेतै आ उ सुइख जेतै। एहेन ठारइरसबके लोकसब एक ठाममे जम्‍मा कैरके आइगमे झोइक दैछै आ उ डैहजेतै।

१ कोरन्‍थी 4:5

तैखातिर परभु नै आबैतक ककरो दोस नै लगा। आब अन्‍हारमे घोसरल बातसब उ इजोतमे लाबतै आ लोकके मनभितरके बिचारसब परकट करतै। तब सबलोक परमेस्‍वरसे आपन परसन्‍सा पाबतै।

१ तिमोथी 5:24

कोनो-कोनो लोकके पाप साफ-साफ देखा परैछै आ उसब नियाय हैसे पहिने दोसी ठहैर जाइछै, महज कतहेक गोराके पापसब पछासे मातरे देखापरैछै।