16 “महज तुसब धैनके चिही, कथिलेत तुसब आपन आँखसे देखैचिही आ कानसे सुनैचिही।
येसु ओकरा कहल्कै, “हे योनाके बेटा सिमोन, तु धैनके चिही! कथिलेत यि बात तोरा लोकसे नै बल्की स्वरगमे रहैबला हमर पितासे परगट भेलछौ।
येसु ओकरा कहल्कै, “तु त हमरा देखके बिस्बास करलिही महज उ लोक धैनके हेतै जे हमरा देखने नै छै तैयो बिस्बास करैछै।”
तु ओकरासबके आँख खोइलके अन्हारसे इजोतमे आ सैतानके बन्धनसे परमेस्वर दिसन घुमाबे। जैसे उसब हमरमे बिस्बास करे आ ओकरसबके पाप छमा भ्याजाय आ परमेस्वरके पबितर करल लोकसब रहल ठाममे रहे पाबे।’
“अन्हारमे इजोत चम्के” कहैबला परमेस्वरे हमरासबके हिरदयमे इजोत चमकाइनेछै। अहैलेल परमेस्वरके महिमा महान चियै कैहके हमसब जानैचियै। साँचोके उ महिमामय ग्यानके इजोत खिरिस्टके चेहरामेछै।