मतीके लिखल सुसमाचार 12:41 - मध्‍य पुरविया थारू

⁴¹ नियाइके दिनमे निनवेके लोकसब खरा भ्‍याके अइ पुस्‍ताके लोकसबके दोस लगाइतै, कथिलेत उसब योनाके परचारमे पस्‍चाताव करल्‍कै। महज देख, अते एक गोरे छै जे योनासे बरका छै।

मतीके लिखल सुसमाचार 12:41 ပူးပေါင်းရင်းမြစ်များ

मतीके लिखल सुसमाचार 12:39

महज येसु उसबके जबाफ देल्‍कै, “अखुन्‍का दुस्‍ट आ बिस्‍बास घात करैबला पुस्‍ताके लोकसब चेन्‍हा माङैछै, महज परमेस्‍वर योना अगमबक्‍ताके जिबनमे देख्‍याल चेन्‍हा बाहेक औरो कोनो चेन्‍हा नै देखैले देतै।

मतीके लिखल सुसमाचार 12:42

नियाइके दिनमे दछिनसे सेबा देसके रानी खरा भ्‍याके यि पुस्‍ताके लोकसबके दोस लगाइतै। कथिलेत उ बहुत दुरसे सोलोमन रजाके ग्‍यानके बातसब सुनैले एलछेलै। महज देख, एक गोरा छै जे सोलोमन रजासे बरका छै।

मतीके लिखल सुसमाचार 12:45

तब उ ज्‍याके आपनोसे खराब औरो सातटा भुत आत्‍मासबके आइनके भितर ढुइके ओतै बास करैछै। तब ओइ लोकके दसा पहिन्‍कोसे औरो खराब हैछै। यि दुस्‍ट पुस्‍ताके हालत ओहिनङे हेतै।”

मतीके लिखल सुसमाचार 12:6

महज हम तोरासबके कहैचियौ कि, अते कोइ छै, जे मन्‍दिरोसे महान एक गोरा छै।

मतीके लिखल सुसमाचार 16:4

दुस्‍ट आ बिस्‍बास घात करैबला पुस्‍ता चेन्‍हाके माङ करैछै, महज योना अगमबक्‍ताके चेन्‍हाके अलाबा कोनो चेन्‍हा नै देलजेतै।” तकरबाद येसु उसबके छोइरके चैलगेलै।

मतीके लिखल सुसमाचार 17:17

तब येसु जबाफ देल्‍कै, “ऐ बिस्‍बास नै करैबला आ दुस्‍ट पुस्‍ता, हम कहियातक तोरासबके सङे रहबौ? कहियातक तोरासबके कमजोर बिस्‍बासके सहैत रहबौ? ओकरा अते हमरलग आन।”

मतीके लिखल सुसमाचार 23:36

साँचे हम तोरासबके कहैचियौ, यि सबके दोस अहि पुस्‍ताके लोकसबके कपारमे परतौ।

लुका 11:32

नियाइके दिनमे निनवेके लोकसब यि पुस्‍ताके लोकसबसङे ठडा होके अकरा दोस लगाइतै, कथिलेत योना परमेस्‍वरके सिक्‍छा परचार करैबखत ओतेके लोकसब पस्‍चाताव करने छेलै। देख, अते एक गोरा छै, उ योनासे बरका छै।

युहन्‍ना 3:31

जे उपरसे एलछै उ सबसे महान छै। सन्‍सारमे जलमल लोक सन्‍सारके हैछै आ सन्‍सारेके बात करैछै। महज जे स्‍वरगसे आबैछै उ सबसे महान छै।

युहन्‍ना 4:12

यि इनार त हमरासबके पुरखा याकुब बन्‍यादेनेछै। ओकर बेटा-बेटीसब आ मालजाल अहै इनारके पानी पियैत रहै। कि अहाँ हमरासबके पुरखा याकुबोसे बरका चियै से?”

रोमी 2:27

तु यहुदीसबसङे लिखल बेबस्‍थाछौ आ तोरासबके खतना भेलछौ तैयो तुसब बेबस्‍था पालन नै करैचिही महज गैर-यहुदीसब खतनो नै कैरके बेबस्‍था पालन करैछै त तुसब स्‍वतह दोसी ठहरल जेब्‍ही।

हिबरु 11:7

बिस्‍बास करलाके कारनसे नोआ परमेस्‍वरके चेतावनीके सुनल्‍कै। कहियो नै देखल महज पाछु आबैबला घटनाके बारेमे परमेस्‍वर ओकरा कहने छेलै। नोआ परमेस्‍वरके बात माइनके काठके एकटा बरका पानी जहाज बनेल्‍कै आ ओइमे ढुइकके आपन परिबारके बचेल्‍कै। आपन बिस्‍बास दुवारा नोआ सन्‍सार गलत छेलै कैहके देखेल्‍कै तब उ बिस्‍बास दुवारा अपना धरमी लोक ठहरलै।