मतीके लिखल सुसमाचार 12:34 - मध्‍य पुरविया थारू

³⁴ ए बिखधर साँपके बच्‍चासब! तुसब आपने दुस्‍ट चिही त, कनङके असल बात बोले सकबिही? कथिलेत मनके भितरमे जे बात रहैछै स्‍याहा बात मुहसे निकलैछै।

मतीके लिखल सुसमाचार 12:34 ပူးပေါင်းရင်းမြစ်များ

मतीके लिखल सुसमाचार 12:35

असल लोक आपन मनमे असल बातसे भरल भन्‍डारसे असले बात निकालैछै आ खराब लोक आपन मनमे खराब बातसे भरल भन्‍डारसे खराबे बात निकालैछै।

मतीके लिखल सुसमाचार 15:18

महज जे बात मुहसे बाहर निकलैछै, से बात हिरदयसे निकैलके आबैछै आ ओहे लोकके असुध बनाइछै।

मतीके लिखल सुसमाचार 23:33

“ए साँपसब, बिखधर साँपके बच्‍चासब! तुसब कनङके नरकके दन्‍डसे भागबिही?

मतीके लिखल सुसमाचार 3:7

महज फरिसीसब आ सदुकीसब मेसे बहौत गोराके बप्‍तिस्‍मा लैले आबैत देखके उ ओकरासबके कहल्‍कै, “ऐ, साँपके बच्‍चासब, परमेस्‍वरके आबैबला करोधसे भागैले तोरासबके के सिखाइल्‍कौ?

लुका 3:7

बहुत लोकसब बप्‍तिस्‍मा लैले युहन्‍ना लग एलै आ उ कहल्‍कै, “ऐ साँपके बच्‍चासब, परमेस्‍वरके आबैबला कोरोधसे भागैले तोरासबके के चेताइने छेलौ?

लुका 6:45

असल लोक आपन मनके भितरसे असल बात निकालैछै। खराब लोक आपन मनके भितरसे खराबे बात निकालैछै। कथिलेत जे बात मनके भितरमे रहैछै ओहिना बात बोलैछै।”

युहन्‍ना 8:44

तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।

एफिसी 4:29

तोरासबके मुहसे खराब बात नै निक्‍ले, महज भलाइ करैबला आ मिठ बचन बोल ताकि सुनैयोबलासबके भलाइ हेबे।

एफिसी 5:4

निरलज, मुरुख आ खराब बचनसब तोरासबके मुहसे नै निक्‍ले, यि बात ठिक नै चियै। बरु अकर बदलामे त परमेस्‍वरके धन्‍यबाद दैबला काम हेबे।

याकुब 3:2

बास्‍तममे अपनासब भुलचुकमे बहौतरा गल्‍ती करैचियै। बोलि-बचनमे कहियो गल्‍ती नै बाजैबला लोक सिध लोक चियै। उ लोक आपन पुरा सरिरमे लगाम लगाइले सक्‍तै।

१ युहन्‍ना 3:10

परमेस्‍वरके बेटा-बेटी आ सैतानके बेटा-बेटी अहिनङके चिन्‍हैले सकैचियै कि धारमिकतामे नै चलैबला आ आपन भाइ-भैयासबके परेम नै करैबला परमेस्‍वरके बेटा-बेटी नै हैछै।