मतीके लिखल सुसमाचार 11:5 - मध्‍य पुरविया थारू

⁵ अन्‍हरासब देखैछै, नेङरासब चलैछै, कोढि-कुस्‍टी लागलसब सुध हैछै, बैहरासब सुनैछै, मरलसब जिजाइछै आ दुखी गरिबसबके सुसमाचार सुनाइछै।

मतीके लिखल सुसमाचार 11:5 ပူးပေါင်းရင်းမြစ်များ

मतीके लिखल सुसमाचार 10:8

रोगी-बिमारीसबके निक कर, मरलहासबके जिबित कर, कोढि-कुस्‍टीसबके सुध कर, भुत आत्‍मासबके निकाल। जहिनङे तुसब मङनिएमे पाबलिही तहिनङे मङनिएमे दहै।

मतीके लिखल सुसमाचार 11:4

येसु ओइसबके जबाब देल्‍कै, “जे कुछ तुसब सुनैचिही आ देखैचिही, से सब बात ज्‍याके युहन्‍नाके सुन्‍यादहै-

मतीके लिखल सुसमाचार 12:13

तकरबाद येसु सुखलाहा हाथबलाके कहल्‍कै, “तोहर हाथ पसार!” उ हाथ पसारल्‍कै आ दोसर निक्‍हा हाथ जखा निक भ्‍यागेलै।

मतीके लिखल सुसमाचार 21:14

तब मन्‍दिरमे अन्‍हरासब आ नेङरासब येसु लग एलै आ उ ओइसबके निक करल्‍कै।

मतीके लिखल सुसमाचार 5:3

धैनके चियै आपनके आत्‍मिक रुपमे कमजोर बुझैबलासब, कथिलेत स्‍वरगके राज ओहिनेसबके चियै।

मतीके लिखल सुसमाचार 9:30

अतहेक कहैत मातर ओकरौरके आँख खुइलगेलै। तब येसु एहेन कैहके ओइसबके करा आग्‍या दैत कहल्‍कै, “याद राख, यि बात ककरो नै कैहये।”

मरकुस 7:37

लोकसब एकदम आस्‍चरजमे परलै आ कहेलाग्‍लै, “उ त सबकाम बहुत निकसे करैछै। उ त बैहराके सुनैबला आ बौकाके बोलैबला बनाइछै।”

मरकुस 9:25

जब भिरके येसु आपन दिसन आबैत देखल्‍कै तब ओइ भुत आत्‍माके कहल्‍कै, “ए बौक आ बैहर करैबला आत्‍मा, हम तोरा आग्‍या करैचियौ ओकरसे निकैलके चैल जो आ फेनो ओकरमे कहियो नै ढुक।”

लुका 4:18

“परमपरभुके आत्‍मा हमर उपरछै, गरिबसबके सुसमाचार सुनाइले उ हमरा अभिसेक कैरके पठाइने छै। बन्‍धनमे परलसबके छुटकाराके लेल, अन्‍हरासबके आँख देखैके लेल, अत्‍याचारमे परलाहासबके सोतन्‍तर करैके लेल,

युहन्‍ना 10:25

येसु जबाफ देल्‍कै, “हम पहिने तोरासबके कैहदेने चियौ, महज तुसब बिस्‍बासे नै करैचिही। आपन पिताके नाममे हम जे कामसब करैचियै, उहेसब हमर गबाही दैछै।

युहन्‍ना 10:38

महज यदी हम पिताके काम करैचियै तबो तुसब हमरा बिस्‍बास नै करैचिही त हमर करलाहा अजगुतके कामसबमे त बिस्‍बास कर। तब तुसब जानबिही आ बुझबिही, कि पिता हमरमे छै आ हम पितामे चियै।”

युहन्‍ना 2:23

जब येसु निस्‍तार पाबैनके बखत यरुसलेममे छेलै, तै बखत बहौत लोकसब ओकर अजगुतके कामसब देखके उसब ओकरमे बिस्‍बास करल्‍कै।

युहन्‍ना 3:2

राइतमे उ येसु लग आइबके कहल्‍कै, “गुरु जी, अहाँ परमेस्‍वरके पठाल गुरु चियै से हमसब जानैचियै, कथिलेत अहाँके करल अजगुतके कामसब जखा कोनो लोक परमेस्‍वरके सहायता बेगर करैले नै सक्‍तै।”

युहन्‍ना 5:36

“महज युहन्‍नाके देल गबाहीयोसे बरका गबाही हमरलग छै। कथिलेत जे काम पुरा करैके लेल पिता हमरा देने छै, उ काम हम करैचियै आ ओह्‍या कामसब हमर बारेमे गबाही दैछै कि, पिते हमरा पठाइने छै।

युहन्‍ना 9:7

“जो, सिलोआमके पोखैरमे ज्‍याके मुह धुवा।” (सिलोआमके अरथ “पठेल्‍कै” हैछै।) उ लोक पोखैरमे ज्‍याके मुह धुवाइल्‍कै तब उ देखैबला भ्‍याके घुइमके एलै।

परेरित 2:22

“इजराएलके लोकसब, यि बात सुन, नासरतके येसु एहेन लोक छेलै, जकरा परमेस्‍वर सक्‍तिसाली कामसब, अच्‍चमके कामसब आ चेन्‍हासबसे तोरौरके अगा साबित करल्‍कौ। तोरौरके थाहे छौ कि परमेस्‍वर तोरासबके बिचमे यि सब कामसब ओकरसे कराइने छै।

याकुब 2:5

हे हमर पिरिय भाइ-भैयासब, सुन। कि परमेस्‍वर सन्‍सारके गरिबसबके बिस्‍बासमे धनिक बनाके ओइ राजके हकदार हैकेलेल नै चुन्‍ने छै? ओह्‍या राज ओकरा परेम करैबलासबके उ दैले परतिग्‍या करनेचियै नै?