लुका 9:41 - मध्‍य पुरविया थारू

⁴¹ तब येसु जबाफ देल्‍कै, “ऐ बिस्‍बास नै करैबला आ थेथर पुस्‍ता, हम कहियातक तोरासबसङे रहबौ आ तोरासबके कतेक दिनतक सहैत रहबौ? तोहर बेटाके अते आन।”

लुका 9:41 ပူးပေါင်းရင်းမြစ်များ

मतीके लिखल सुसमाचार 11:28

“हे सब थाकल आ बोझसे दाबल लोकसब, हमरलग या, हम तोरासबके बिसराम देबौ।

मतीके लिखल सुसमाचार 12:39

महज येसु उसबके जबाफ देल्‍कै, “अखुन्‍का दुस्‍ट आ बिस्‍बास घात करैबला पुस्‍ताके लोकसब चेन्‍हा माङैछै, महज परमेस्‍वर योना अगमबक्‍ताके जिबनमे देख्‍याल चेन्‍हा बाहेक औरो कोनो चेन्‍हा नै देखैले देतै।

मतीके लिखल सुसमाचार 12:45

तब उ ज्‍याके आपनोसे खराब औरो सातटा भुत आत्‍मासबके आइनके भितर ढुइके ओतै बास करैछै। तब ओइ लोकके दसा पहिन्‍कोसे औरो खराब हैछै। यि दुस्‍ट पुस्‍ताके हालत ओहिनङे हेतै।”

मतीके लिखल सुसमाचार 16:4

दुस्‍ट आ बिस्‍बास घात करैबला पुस्‍ता चेन्‍हाके माङ करैछै, महज योना अगमबक्‍ताके चेन्‍हाके अलाबा कोनो चेन्‍हा नै देलजेतै।” तकरबाद येसु उसबके छोइरके चैलगेलै।

मतीके लिखल सुसमाचार 17:17

तब येसु जबाफ देल्‍कै, “ऐ बिस्‍बास नै करैबला आ दुस्‍ट पुस्‍ता, हम कहियातक तोरासबके सङे रहबौ? कहियातक तोरासबके कमजोर बिस्‍बासके सहैत रहबौ? ओकरा अते हमरलग आन।”

मतीके लिखल सुसमाचार 23:36

साँचे हम तोरासबके कहैचियौ, यि सबके दोस अहि पुस्‍ताके लोकसबके कपारमे परतौ।

मतीके लिखल सुसमाचार 3:7

महज फरिसीसब आ सदुकीसब मेसे बहौत गोराके बप्‍तिस्‍मा लैले आबैत देखके उ ओकरासबके कहल्‍कै, “ऐ, साँपके बच्‍चासब, परमेस्‍वरके आबैबला करोधसे भागैले तोरासबके के सिखाइल्‍कौ?

मरकुस 10:14

तब यि देखके येसु खिस्‍याके आपन चेलासबके हपारल्‍कै आ कहल्‍कै, “छोट बच्‍चासबके हमरलग आबैले नै रोकै, कथिलेत परमेस्‍वरके राज ओहनेसबके चियै।

मरकुस 10:49

तब येसु ठार भेलै आ कहल्‍कै, “ओकरा बोलाके अते आन!” उसब ओइ भिखमङा लोकके बोल्‍याके कहल्‍कै, “साहस कर, उठ येसु तोरा बोल्‍यारहलछौ।”

मरकुस 9:19

तब येसु ओकरासबके कहल्‍कै, “ए थेथर पुस्‍ता, कहियातक हम तोरासबके बिचमे रहबौ? कहियातक बिस्‍बासमे कमजोरे रहबिही? तोहर बेटाके हमरलग आन।”

लुका 8:25

येसु ओकरासबके कहल्‍कै, “तोरासबके बिस्‍बास कते गेलौ?” तब चेलासब डेरागेलै आ छक परलै तब आपनेमे कहेलाग्‍लै, “यि के चियै! यि अन्‍हर-बिहार आ झोहके आग्‍या करैछै त माइन जाइछै।”

लुका 9:40

ओइ भुत आत्‍माके निकाइल दिय कैहके हम अहाँके चेलासबके बिन्‍ती करलियै महज उसब नै सकलक।”

लुका 9:42

महज ओइ बालकके येसु लग आनैबखत भुत आत्‍मा ओकरा पटैकके मुह भुँइयामे घोसियाइले लाग्‍लै। महज येसु ओइ भुत आत्‍माके हकारल्‍कै आ ओइ बालकके निक कैरके ओकर बाबुके जिमा लग्‍या देल्‍कै।

युहन्‍ना 14:9

येसु ओकरा जबाब देल्‍कै, “फिलिप! अतहेक दिनसे त हम तोरेसबसङे चियौ, तैयो तु हमरा नै चिन्‍हैचिही? जे हमरा देख्‍ने छै, उ पिताके देख्‍ने छै। तब तु कनङके कहैचिही, कि ‘हमरासबके पिताके देख्‍यादिय?’

युहन्‍ना 20:27

तब येसु थोमाके कहल्‍कै, “तोहर औङरी अते राख आ हमर हाथ देख। हमर कोइखमे आपन हाथ ढुका। तु सङका नै कर बरु बिस्‍बास कर।”

परेरित 13:18

चालिस बरिसतक उजार जगहमे परमेस्‍वर ओइसबके देखभाल करल्‍कै।

परेरित 2:40

औरो बहुत बातसबसे उ ओइसबके गबाही देल्‍कै आ सम्‍झाइत कहल्‍कै, “यि भरस्‍ट पुस्‍तासे तोरौरके आबैबला दन्‍डसे अपने-आपके बचा।”

रोमी 2:4

या कि तु परमेस्‍वरके महान किरपा, सहनसिलता आ धिरजके तुच्‍छ सम्‍झैचिही? परमेस्‍वर आपन किरपासे तोरा पापसे पस्‍चाताप करैके मौका देनेछौ से बात कि तोरा थाह नै छै?

हिबरु 3:19

हमसब यि देखैचियै कि बिस्‍बास नै करलाके कारन उसब बिसरामके ठाउमे पुगैले नै सक्‍लै।

हिबरु 4:11

ओहैसे अपनासब ओइ बिसराम पाबैबला ठाममे ढुकैके खातिर कोसिस कर। यदि अपनोसब इजराएली लोकसब जखा अटेरी हेबै त अपनोसब नास हेबै।

हिबरु 4:2

कथिलेत अपनोसबके सेहो ओइसबके जखा सुसमाचार परचार करलगेलछै, महज उसब ओइ सुसमाचारमे बिस्‍बास नै करलाके कारन ओकरासबके कुछो फाइदा नै करल्‍कै।

हिबरु 7:25

अहैलेल येसुमे बिस्‍बास कैरके परमेस्‍वरके लग आबैबलासबके उ सबदिन उधार करैले सकैछै, कथिलेत ओइसबके लेल परमेस्‍वरसङे परथना करैले सबदिन जिबितछै।