लुका 9:27 - मध्‍य पुरविया थारू

²⁷ महज साँचोके हम तोरासबके कहैचियौ, परमेस्‍वरके राज नै देखैसे पहिने अइ ठाम ठार भेल्‍हामेसे कतहेक लोकसब नै मरबिही।”

लुका 9:27 ပူးပေါင်းရင်းမြစ်များ

मतीके लिखल सुसमाचार 16:28

साँचेके, हम तोरासबके कहैचियौ, अते ठार भेलमेसे कतहेक लोकसब जाबेतक मानबके बेटाके आपन राजमे आबैत नै देखतै ताबेतक नै मरतै।”

मरकुस 14:25

साच्‍चे हम तोरासबके कहैचियौ, जाबेतक परमेस्‍वरके राजमे हम नै एबै ताबे तक लबका अङगुरके मध नै पिबौ।”

मरकुस 9:1

तब येसु चेलासबके एहो कहल्‍कै, “साच्‍चे हम तोरासबके कहैचियौ, अइ ठाम ठार भेल्‍हामेसे कोनो-कोनो लोकसब परमेस्‍वरके राजके सक्‍ती सङे आबैत नै देखतै ताबे तक नै मरतै।”

लुका 2:26

“परमपरभु खिरिस्‍टके जाबेतक नै देखबिही ताबेतक तोहे नै मरबिही” यि बात पहिने पबितर आत्‍मासे थाह भेल छेलै।

लुका 22:18

कथिलेत हम तोरौरके कहैचियौ, परमेस्‍वरके राज नै आबैतक हम फेनो अङगुरके मध नै पिबौ।”

युहन्‍ना 14:2

हमर पिताके घरमे बहौत रहैबला ठामसब छै आ हम तोरासबके लेल रहैबला ठामसब तयार करैले जाइचियौ। यदी तेहन नै रहतियै त हम तोरासबके यि बात कहबे नै करतियौ।

युहन्‍ना 16:7

महज साँचोके हम तोरेसबके कहैचियौ, हम अतेसे जेबौ तब मातरे तोरासबके असल हेतौ। कथिलेत यदी हम नै जेबौ त तोरासबके सल्‍लाह दैबला पबितर आत्‍मा तोरासबके लग नै एतौ। महज जब हम जेबौ, तब हम ओकरा तोरासबके लग पठाइबौ।

युहन्‍ना 8:59

यि बात सुइनके उसब येसुके मारैके लेल पथल उठेल्‍कै, महज येसु ओइसबसे घोसैरके मन्‍दिरसे बाहर चैलगेलै।

हिबरु 2:9

महज हमसब येसुके देखैचियै कि परमेस्‍वरके अनुगरहके कारनसे उ सबके लेल मरैले सके कैहके एकछनके लेल स्‍वरगदुतसे ओकरा छोट करल्‍कै। उ अपनासबके लेल मिरतुके दुख भोगल्‍कै, ओहैसे परमेस्‍वर ओकरा महिमा आ आदरके मुकुट पिन्‍हाइल्‍कै।