लुका 9:26 - मध्‍य पुरविया थारू

²⁶ महज जे हमरसे आ हमर बचनसे लाज मान्‍तै त मानबके बेटा आपन महिमामे आ परमेस्‍वर पिताके आ पबितर दुतगनके महिमामे आबैखिना ओकरसे लाज मान्‍तै।

लुका 9:26 ပူးပေါင်းရင်းမြစ်များ

मतीके लिखल सुसमाचार 16:27

कथिलेत जब मानबके बेटा आपन पिताके महिमामे स्‍वरगदुतसबके सङे एतै तब ओइ बखत सब लोकसबके आपन-आपन काज अनुसारके इनाम देतौ।

मतीके लिखल सुसमाचार 25:31

येसु कहल्‍कै, “जहिया मानबके बेटा पुरे स्‍वरगदुतसङे आपन महिमामे एतै, तहिया उ आपन महिमाके सिंहासनमे बैठतै।

मतीके लिखल सुसमाचार 26:64

येसु ओकरा कहल्‍कै, “से बात अहि कैहदेलियै। तैयो हम तोरासबके कहैचियौ, एक दिन तुसब मानबके बेटाके सक्‍तीसाली परमेस्‍वरके देहना हाथ कातमे बैठल आ अकाससे बादलमे आबैत देखबिही!”

मरकुस 8:38

अइ पापी आ दुस्‍ट पुस्‍तामे जे हमर आ हमर बचनसे लाज मान्‍तै त मानबके बेटा आपन पिताके महिमामे पबितर स्‍वरगदुतसबसङे आबैतखिना ओकरसे लाज मान्‍तै।”

युहन्‍ना 12:43

कथिलेकी उसब परमेस्‍वरके परसन्‍सासे लोकके परसन्‍सा बेसी मन पराइछेलै।

युहन्‍ना 5:44

तुसब एक-दोसरसे आदर खोजैचिही, महज परमेस्‍वरसे ल्‍याल आदरके कोनो वस्‍ते नै करैचिही त, तुसब कनङके बिस्‍बास करे सकबिही?

परेरित 10:22

उसब जबाब देल्‍कै, “हमरासबके कप्‍तान करनेलियस पठाइनेछै। उ धरमी आ परमेस्‍वरके डर मानैबला लोक चियै। ओकरा यहुदियो जातीसब आदर करैछै। एकटा स्‍वरगदुतसे आदेस मिलल छै जे तोरा आपने घरमे बजाके तोहरसे उपदेस सुन्‍तौ।”

रोमी 1:16

हमरा यि सुसमाचार सुनाइले लाज नै लागैछै, कथिलेकी बिस्‍बास करैबला सबलोकके मुक्‍ती दैकेलेल यि सुसमाचार परमेस्‍वरके सक्‍ती चियै, जे पहिने यहुदीसबके लेल आ बादमे गैर-यहुदीयोसबके लेल चियै।

२ कोरन्‍थी 12:10

ओहैसे खिरिस्‍टके खातिर कमजोरीमे, बदनामीमे, कठिनाइमे, सताबटमे, आपत-बिपतमे हम सन्‍तुस्‍ट चियै। कथिलेकी जब हम कमजोर हैचियै, तब हम सक्‍तिसाली हैचियै।

गलाती 6:14

अपनासबके परभु येसु खिरिस्‍टके कुरूस बाहके औरो कोनो चिजमे घमन्‍ड करैबला बात हमरसे दुरे रहे। ओकर कुरूसके कारन हमर लेल सन्‍सारके लोभ लालचसब मरल छै आ सन्‍सारके लेल हम मरल चियै।

१ तिमोथी 5:21

हम तोरा परमेस्‍वर, खिरिस्‍ट येसु आ चुनलगेल स्‍वरगदुतके अगा करा आग्‍या द्‍याके यि कहैचियौ कि भेदभाव बिना यि नियमसब पालन कर। पक्‍छपात कैरके कोनो काम नै कर।

२ तिमोथी 1:12

तब अहै खातिर हम दुख उठाइचियै। महज यि बातके खातिर हम लाज नै मानैचियै, कथिलेत हम ककर उपर बिस्‍बास करनेचियै से हम निकसे जानैचियै। हम जे कुछ परमेस्‍वरके सौपने चियै, उ आपन आबैबला दिनतक सुरक्‍छित राख्‍तै कैहके पुरा भरोसा छै।

२ तिमोथी 2:12

यदी हमसब ओकरसङे दुख भोग्‍बै त, हमरौरके ओकरेसङे राज करबै। हमसब ओकरा इन्‍कार करबै त, ओहो हमरौरके इन्‍कार करतै।

हिबरु 11:26

मिसर देसके धन-सम्‍पतीसे त बरु खिरिस्‍टके लेल निन्‍दीत हैले उ मुल्‍यबान सम्‍पती ठानल्‍कै। कथिलेकी उ आपन नजर इनाम दिसन लगाइने छेलै।

हिबरु 13:13

ओहैलेल अपनोसब सहरसे बाहर येसु लग चल आ ओकरे जखा अपनोसब अपमान सह।

यहुदा 1:14

आदमसे सातम पुस्‍ताके हनोक यि लोकसबके बारेमे एहेन अगमबानी कहनेरहै, “देख, हजारो-हजार पबितर स्‍वरगदुतसब सङे परभु आबैछै।

परकास 1:7

देख, उ बादलमे आइबरहलछै आ हरेक लोक ओकरा देख्‍तै, उहोसब देख्‍तै जेसब ओकरा भालासे भोक्‍ने छेलै। सन्‍सारके सब जातीके लोक ओकर कारन बिलाप करतै। पक्‍का ओहिने हेतै। आमेन!

परकास 20:11

तकरबाद हम एकटा बरका उजर सिंहासन आ ओइमे बैठैबलाके देखलियै। पिरथिबी आ अकास ओकर सामनेसे भाग्‍लै आ उसब फेनसे कहियो नै देखा परलै।

परकास 21:8

महज डरपोकसब, बिस्‍बास नै करैबलासब, घिनलागैबला काम करैबलासब, हतियारासब, बेबिचारीसब, जादु-टोना करैबलासब, मुरती पुजा करैबलासब आ झुठ बोलैबलासबके ठाम त आइग आ गन्‍धक बरैबला भठिमे हेतै। यि दोसर मिरतु चियै।”

परकास 3:5

जे सैतानके जित्‍तै, उ अनङ उजर बस्‍तर लगाइतै आ ओकर नाम हम जिबनके किताबसे कहियो नै मिटकाइबै। उ हमर लोक चियै कैहके आपन पिता आ ओकर स्‍वरगदुतसबके अगा हम सुइकार करबै।’