लुका 9:19 - मध्‍य पुरविया थारू

¹⁹ उसब जबाफ देल्‍कै, “कोइ बप्‍तिस्‍मा दैबला युहन्‍ना कहैछै, कोइ एलिया आ कोइ पहिन्‍का कोनो अगमबक्‍तासब मेसे एक गोरे जिके उठल छै कहैछै।”

लुका 9:19 ပူးပေါင်းရင်းမြစ်များ

मतीके लिखल सुसमाचार 14:2

उ आपन सहजोगिसबके कहल्‍कै, “यि बप्‍तिस्‍मा दैबला युहन्‍ने चियै! उ फेनो मुरदासे जिके उठल छै। तब त यि एहेन अजगुत-अजगुतके कामसब करैछै।”

मतीके लिखल सुसमाचार 3:1

ओहै बखत बप्‍तिस्‍मा दैबला युहन्‍ना यहुदियाके उजार जगहमे एलै आ एहेन कहैत परचार करे लाग्‍लै,

मरकुस 6:14

रजा हेरोद येसुके बारेमे सुनल्‍कै, कथिलेत ओकर नामके चरचा चारुदिसन फैल गेलछेलै। कोइ कहैछेलै, “बप्‍तिस्‍मा दैबला युहन्‍ना फेनो मरके जिबित भेल छै, तैल्‍याके ओकरसे एहेन सक्‍तिसाली कामसब भ्‍यारहलछै।”

मरकुस 6:15

महज औरोसब कहैछेलै, “यि त एलिया अगमबक्‍ता चियै।” औरोसब कहै, “यि त परापुरब कालके एक अगमबक्‍तासब मेसे एक गोरे चियै।”

लुका 9:18

एक दिन येसु असगरे परथना करैबखत चेलासब ओकरलग छेलै आ उ ओकरासबके कहल्‍कै, “लोकसब हमरा के चियै कहैछै?”

लुका 9:20

महज येसु ओकरासबके कहल्‍कै, “तुसब कथी कहैचिही त? हम के चियै?” तब पतरुस जबाफदैत कहल्‍कै, “अहाँ त परमेस्‍वरके पठेल्‍हा मुक्‍ती दैबला खिरिस्‍ट चियै!”

युहन्‍ना 1:21

तब उसब ओकरा पुछल्‍कै, “कि तु एलिया चिही त?” युहन्‍ना जबाब देल्‍कै, “नै।” “तब कि तु अगमबक्‍ता चिही त?” उ जबाफ देल्‍कै, “नै।”

युहन्‍ना 1:25

तब उसब युहन्‍नाके पुछल्‍कै, “यदी तु खिरिस्‍टो नै चिही, एलियो नै चिही आ कोनो अगमबक्‍तो नै चिही त, कथिले बप्‍तिस्‍मा दैचिही?”

युहन्‍ना 7:40

जब भिरके लोकसब येसुके यि बात सुनल्‍कै तब कुछ लोकसब कहल्‍कै, “साँचोके यि लोक त आबैबला अगमबक्‍ता चियै।”

युहन्‍ना 9:17

तब फरिसीसब ओइ अन्‍हर लोकके एकबेर फेनो पुछल्‍कै, “जे लोक तोहर आँख खोइल देल्‍कौ, तु ओकर बारेमे कथी कहैचिही?” उ जबाब देल्‍कै, “उ त अगमबक्‍ता चियै।”