लुका 9:10 - मध्‍य पुरविया थारू

¹⁰ तकरबाद येसुके पठेल्‍हा चेलासब घुइमके एलै आ उसबके करल सब कामसब सुनाइल्‍कै। तब येसु चुपचाप चेलासबके लके बेथसेदा सहरमे गेलै।

लुका 9:10 ပူးပေါင်းရင်းမြစ်များ

मतीके लिखल सुसमाचार 11:21

“धिक्‍कार तोरा खोराजिनके बासिसब! आ धिक्‍कार तोरा बेथसेदाके बासीसब! कथिलेत तोरासबके बिचमे करलाहा अजगुतके कामसब टुरोस आ सिदोन सहरमे करनेरहतीयै त ओतेका लोकसब आपन-आपन पाप माइनके बोराके बस्‍तर लग्‍याके छौरमे बैठके पस्‍चाताप करतियै।

मरकुस 2:7

“यि लोक कथिले अनङ बोलैछै? यि त परमेस्‍वरके निन्‍दा करैछै? पाप छमा करैले त परमेस्‍वर बाहेक औरो कोइ नै सक्‍तै!”

लुका 10:17

सतरो चेलासब खुसिसाथ घुइमके एलै आ कहल्‍कै, “परभु जी, अहाँके नामसे भुतसब हमरासबके बसमे आबैछै!”

युहन्‍ना 1:44

अन्‍दरियास आ पतरुसे जखा फिलिपो बेथसेदा सहरमे रहैबला रहै।

हिबरु 13:17

तोरासबके अगुवासबके कहल बात तुसब मान आ ओकरासबके अधिनमे रह। आपन कामके लेखा परमेस्‍वरके दैलेपरतै कैहके उसब तोरासबके आत्‍मामे देखभाल करतौ। ओकरासबके कहल बात मानबिही त उसब आपन काम खुसिसे करतौ। यदि दुख माइनके करबिही त तोरासबके कुछो फाइदा नै हेतौ।