लुका 8:48 - मध्‍य पुरविया थारू

⁴⁸ येसु ओकरा कहल्‍कै, “बेटी, तोहर बिस्‍बाससे तु निक भेलचिही, सान्‍तीसे जो।”

लुका 8:48 ပူးပေါင်းရင်းမြစ်များ

लुका 7:50

महज येसु जनिजाइतके कहल्‍कै, “तोहर बिस्‍बाससे तोरा बचाइनेछौ, सान्‍तीसाथ जो।”

मतीके लिखल सुसमाचार 9:22

तब ठामे घुइमके येसु ताकल्‍कै त ओइ जनिके देखल्‍कै आ कहल्‍कै, “बेटी, साहस कर, तोहर बिस्‍बास तोरा निक करल्‍कौ।” उ जनी तखुन्‍ते निक भ्‍यागेलै।

हिबरु 4:2

कथिलेत अपनोसबके सेहो ओइसबके जखा सुसमाचार परचार करलगेलछै, महज उसब ओइ सुसमाचारमे बिस्‍बास नै करलाके कारन ओकरासबके कुछो फाइदा नै करल्‍कै।

परेरित 14:9

पावल जे बोलैत रहै से उ सुनैछेलै। पावल उ लोकके निक हेबे सक्‍बै से बिस्‍बास देखके सिधा ओकर दिसन ताकल्‍कै।

लुका 17:19

फेनो येसु ओकरा कहल्‍कै, “उठ आ आपन रस्‍ता पकैरके जो। तोहर बिस्‍बाससे तु निक भेल्‍ही।”

मरकुस 5:34

तब येसु ओकरा कहल्‍कै, “बेटी, तु बिस्‍बास कैलाके कारन निक भेल्‍ही। निकसे जो। तोहर बिमारसे तु मुक्‍त भेलचिही।”

२ कोरन्‍थी 6:18

हम तोरासबके पिता हेबौ आ तुसब हमर बेटा-बेटी हेब्‍ही कैहके सबरसक्‍तीमान परमपरभु कहैछै।”

लुका 18:42

येसु ओकरा कहल्‍कै, “तु देखैबला भ्‍याजो! तोहर बिस्‍बाससे तु निक भेल्‍ही।”

मतीके लिखल सुसमाचार 8:13

तकरबाद येसु कप्‍तानके कहल्‍कै, “आब जो, तु जहिनङ बिस्‍बास करनेचिही, तहिनङ हेतौ।” तखुन्‍ते ओकर नोकर निक भेलै।

मतीके लिखल सुसमाचार 12:20

नै त उ सरल नरकटके तोरतै आ नै मिरी-मिरी बरैबला डिबियाके बुतेतै। अन्‍तमे उ नियाइके जितमे पुगेतै।

मतीके लिखल सुसमाचार 9:2

तब कुछ लोकसब झोलङामे बोइकके एकटा लकबा मारल लोकके येसु लग आनल्‍कै जे बिछोनासे उठे नै सकैछेलै। येसु ओइसबके बिस्‍बास देखके लकबा मारल लोकके कहल्‍कै, “बेटा, साहस कर। तोहर पाप छमा भेल छौ।”

लुका 8:47

तब उ आपनेमे घोसैरके नै रहे सक्‍बै से बात थाह पाइबके उ जनी डरसे कापैत एलै आ येसुके टाङमे ठेङहुनिया दैत, उ अहाँके कथिले छुबल्‍कै आ छुबतै मातर कनङके निक भेलै से बातसब लोकसबके सामने बत्‍यादेल्‍कै।