लुका 8:39 - मध्‍य पुरविया थारू

³⁹ “तु आपन घर जो आ परमेस्‍वर तोहर लेल जे अचमके काम करल्‍कौ से समाचार फैला।” तब उ लोक घर ज्‍याके यि अचमके कामके समाचार पुरे गाम आ सहरमे परचार करे लाग्‍लै।

लुका 8:39 ပူးပေါင်းရင်းမြစ်များ

मरकुस 1:45

महज उ लोक बाहर निकैलके गेलै आ अपना निक भेल बात चारुदिसन परचार करे लाग्‍लै। तैल्‍याके येसु फेनो उ सहरमे लोकसबके अगा खुलस्‍त रुपमे आबैले नै सक्‍लै महज उ सुनसान जगहमे रहेलाग्‍लै। तैयो लोकसबके भिर चारुदिसनसे ओकरलग एलै।

मरकुस 5:18

येसु जब नाहमे चरहे लाग्‍लै तब उ लोक जकरा भुत आत्‍मा लागल छेलै से ओकरा बिन्‍ती करल्‍कै, “आपनसङे हमरो ल्‍या चलु।”

मरकुस 5:19

महज येसु ओकरा अनुमति नै देल्‍कै, महज ओकरा कहल्‍कै, “तु आपन घरमे ज्‍याके तोहर साथीसबके तोहर लेल परभुके करल महान काम आ तोरा देख्‍याल बरका दयाके बारेमे कैहदहै।”

लुका 8:38

महज जे लोकसे भुतसब निकलल छेलै उ येसुके बिन्‍ती करैत कहल्‍कै, “गुरु जी, अहाँसङे हमरो ल्‍या चलु।” महज येसु ओकरा कहल्‍कै,

लुका 8:40

जब येसु घुइमके झिलके कातमे एलै। ओते लोकसब ओकर आसमे बैठल छेलै तब उसब येसुके स्‍वागत करल्‍कै।

युहन्‍ना 4:29

“आबैजो, अते आइबके एकटा लोकके देख! हमर करल सबकाम उ हमरा कैहदेल्‍कै। कि ओह्‍या मुक्‍ती दैबला रजा खिरिस्‍ट त नै चियै?”

१ तिमोथी 5:8

यदी कोइ आपन नातेदार आ खास कैरके परिबारके देख-भाल नै करैछै, उसब बिस्‍बाससे पछा हटल लोक चियै आ अबिस्‍बासीयोसे बेसी खराब हैछै।