लुका 8:22 - मध्‍य पुरविया थारू

²² एक दिन येसु आपन चेलासबसङे नाहमे चहरलै आ येसु ओकरासबके कहल्‍कै, “नाह झिलके ओइपार ल्‍याचल।” तब उसब नाहमे चहैरके गेलै।

लुका 8:22 ပူးပေါင်းရင်းမြစ်များ

मतीके लिखल सुसमाचार 14:22

तकरबाद येसु आपन चेलासबके तुरन्‍त नाहमे चहैरके अपना जाइसे पहिने तालके दोसर कात चैलजाइले आग्‍या करल्‍कै आ उ अपना ओतै रैहके लोकसबके भिरके बिदाह करे लाग्‍लै।

मतीके लिखल सुसमाचार 8:18

जब येसु आपन चारुदिसन लोकसबके बरका भिर देखल्‍कै तब आपन चेलासबके कहल्‍कै, “अपनासब ताल ओइपार चल।”

मरकुस 5:21

जब येसु फेनो समुन्‍दरके दोसरकात गेलै, तब लोकसबके एकटा बरका भिर जमा भेलै। तै बखत येसु समुन्‍दरके कातमे ठार रहै।

मरकुस 6:45

तब येसु तुरन्‍ते आपन चेलासबके नाहमे चहैरके ओइपार बेथसेदामे अपना जाइसे पहिने जाइले लगाइल्‍कै। महज उ लोकसबके भिरके बिदा करैले ओतै रैहगेलै।

मरकुस 8:13

तब ओकरासबके छोइरके उ फेनो नाहमे चहैरके ओइपार गेलै।

लुका 5:1

एक दिन लोकसब परमेस्‍वरके बचन सुनैले येसुके चारुदिसन भिर लागल छेलै। उ गनेसरेत दहके बान्‍हमे ठार भेलरहै।

लुका 8:23

उसब जाइत बखत येसु नाहमे सुइत गेलै। अचानक झिलमे बरका अन्‍हर-बिहार एलै आ झोह नाहमे परलै। नाह पानीसे भरलै आ डुबेलाग्‍लै तब उसब बरका आफतमे परलै।

लुका 8:33

तब ओइ लोकसे भुतसब निकैलके सुगरके जेरमे ढुक्‍लै। जेर पहाड़के भितामे दौरते-दौरते ज्‍याके उपरसे गैहर झिलमे गिरके, डुइबके मर गेलै।

युहन्‍ना 6:1

तकरबाद येसु गालिल तालके ओइपार गेलै। ओकरा तिबेरियस ताल सेहो कहैछेलै।

परेरित 27:2

हमसब एन्‍डरामिटेनोससे एसिया परदेसके समुन्‍दर काते-काते परैबला सहरसब हैत जाइबला जहादमे चहैरके यातरा सुरु करलियै। अरिस्‍तारखस नाम भेल्‍हा थेसलोनिके इलाकाके एक गोरे माकेडोनि हमरासबकेसङे सेहो छेलै।