लुका 7:41 - मध्‍य पुरविया थारू

⁴¹ येसु कहल्‍कै, “ओइ जगहमे दुइटा लोकसब छेलै। उसब महाजन से एक गोटे पाँच सय चानीके टका आ दोसर पचास चानीके टका करजा लेने छेलै।

लुका 7:41 ပူးပေါင်းရင်းမြစ်များ

मतीके लिखल सुसमाचार 18:28

“तब उ नोकर रजालगसे गेलै आ आपनसङे काम करैबला सङी नोकरके भेटलै। जे एकसय चानीके डलर ओकरसे करजा लेने रहै। उ ओकर घेंच पकैरके कहल्‍कै, ‘तु हमरसे जतहेक करजा लेने चिही अखुन्‍ते तिर!’

मतीके लिखल सुसमाचार 6:12

हमरासबके अपराध छमा करु, जनङ हम्‍हुसब आपन अपराधीसबके छमा करनेचियै।

मरकुस 6:37

महज येसु ओकरासबके कहल्‍कै, “तुहेसब अकरासबके खाइले दहै।” चेलासब कहल्‍कै, “परभु, कि हमसब दुइ सय चानीके टकासे रोटी किनके अकरासबके खिएबै?”

लुका 11:4

हमरासबके पापसब छमा कैरदिय, कथिलेत हम्‍हु हमर बिरुध पाप करैबलाके छमा करैचियै। हमरासबके जाँचसे दुर राखु।’”

लुका 12:48

महज मालिकके इक्‍छा थाहे नै होके खराब काम करैबला नोकरके कम सजाइ देतै। जकरा बहौतरा देनेछै, ओकरसे बेसीये माङल जाइछै आ जकरा जतेहेक बेसीसे जिमा देल रहैछै तकरा औरो बेसीसे घुम्‍याके दैले परैछै।”

लुका 13:4

या अठार गोरेके उपरमे सिलोआमके धरहरा खइसके मरल छेलै। कि उसब यरुसलेमके सब लोकसबसे बेसी पापी छेलै कैहके सम्‍झैचिही त?

लुका 7:40

ओहै बखत येसु ओइ फरिसीके कहल्‍कै, “सिमोन, हमे तोरा कुछ बात कहेके छौ।” उ कहल्‍कै, “जी गुरु जी, कहु।”

लुका 7:47

अइ खातिर हम तोरा कहैचियौ, अकर बहौतरा पापसब माफ भ्‍यागेल्‍छै। तहैसे यि हमरा बेसी परेम देखेल्‍कै। महज जकरा कम माफ हैछै उ कमे परेम करैछै।”

रोमी 3:23

कथिलेत सबलोक पाप करने छै आ परमेस्‍वरके महिमा तक पुगैले चुकल छै।

रोमी 5:20

लोकसब अपना कतहेक पाप करनेचियै से जानैके लेल परमेस्‍वर ओकरासबके बेबस्‍था देल्‍कै। लोकसबके पाप जतहेक बरहैत गेलै परमेस्‍वरके अनुगरह ओतहेक बेसिसे बरहैत गेलै।