लुका 7:16 - मध्‍य पुरविया थारू

¹⁶ तब सबकोइ डेरागेलै आ परमेस्‍वरके परसन्‍सा करैत कहल्‍कै, “अपनासबके बिचमे एकटा बहुत बरका अगमबक्‍ता एलछै। परमेस्‍वर आपन लोकसबके बचाइले एलछै।”

लुका 7:16 ပူးပေါင်းရင်းမြစ်များ

मतीके लिखल सुसमाचार 15:31

जब जम्‍मा भेल लोकसब बौकासबके बोलैत, लुल्‍हासबके निक भेल, नेङरासबके चलैत आ अन्‍हरासब देखे लाग्‍लै से देखके छक्‍क परलै आ इजराएलके परमेस्‍वरके परसन्‍सा करल्‍कै।

मतीके लिखल सुसमाचार 21:11

अगा-पछा चलैबला भिरके लोकसब ओइसबके जबाफ देल्‍कै, “यि त गालिल परदेसके नासरतसे एल अगमबक्‍ता येसु चियै।”

मतीके लिखल सुसमाचार 28:8

उ जनिसबमे डर भेलै तैयो खुसीसे यि समाचार चेलासबके सुनाबैके लेल चिहानसे दौरते गेलै।

मतीके लिखल सुसमाचार 9:8

जब लोकसबके भिर यि देखल्‍कै तब उसब डरा गेलै आ लोकसबके एहेन सक्‍ती दैबला परमेस्‍वरके परसन्‍सा करल्‍कै।

लुका 1:65

यि देखके सब परोसियासब डर्‌यालछेलै। यहुदियाके जम्‍मे पहाड़ी इलाकासबमे यि घटनाके चरचा फैलगेलै।

लुका 1:68

“इजराएलके परमपरभु परमेस्‍वरके परसन्‍सा हेबे, कथिलेत उ एलछै आ आपन लोकसबके छुटकारा देने छै।

लुका 19:44

उसब तोरा आ तोहर सन्‍तानसबके धरतीमे पटकतौ, पथल उपर पथलोके बाकी नै छोरतौ, कथिलेकी तु आपन उपर भेल परमेस्‍वरके किरपाके समय नै जाने सकलिही।”

लुका 2:20

चरबाहासबके स्‍वरगदुतसब जे बात कहने रहै ओहिनङे सब बात सुनल्‍कै आ देखल्‍कै तब परमेस्‍वरके महिमा आ परसन्‍सा करैत घुइमके गेलै।

लुका 24:19

तब येसु ओइसबके पुछल्‍कै, “कोन घटनासब?” उसब जबाब देल्‍कै, “येसु नासरतके बारेमे, उ एक गोरा अगमबक्‍ता रहै। उ परमेस्‍वर आ लोकसबके सामने काम आ बचनमे सक्‍तिसाली रहै।

लुका 5:26

ओतेका सब लोकसब आस्‍चरजमे परलै, उसब परमेस्‍वरके महिमा करल्‍कै आ परमेस्‍वरके अतेक बरका सक्‍ती देखके उसब डेरागेलै तब कहल्‍कै, “आइ हमसब अचमके काम देखलियै।”

लुका 5:8

तब यि देखके येसुके टाङमे ठेङहुनिया दैत गोर लाइगके सिमोन पतरुस कहल्‍कै, “हे परभु हमर लगसे दुर चैलजो कथिलेत हम पापी चियै।”

लुका 7:15

मरलहा जबान लोक उठके बैठलै आ बोले लाग्‍लै। येसु ओकर माँके जिमा लग्‍या देल्‍कै।

लुका 7:39

येसुके नौता दैबला फरिसी यि देखके मनेमन कहेलाग्‍लै, “अगर येसु साच्‍चेके अगमबक्‍ता चियै त छुबैबाली जनिजाइत केहन पापी चियै से जाइनजेतियै।”

लुका 8:37

तकरबाद गेरासेनस राजके अगल-बगल गामके लोकसब अतेसे चैलजाउ कैहके बिन्‍ती करल्‍कै। कथिलेत उसब एकदम डर्‌यालछेलै। तब येसु नाहमे चहैरके जाइले लाग्‍लै।

लुका 9:19

उसब जबाफ देल्‍कै, “कोइ बप्‍तिस्‍मा दैबला युहन्‍ना कहैछै, कोइ एलिया आ कोइ पहिन्‍का कोनो अगमबक्‍तासब मेसे एक गोरे जिके उठल छै कहैछै।”

युहन्‍ना 1:21

तब उसब ओकरा पुछल्‍कै, “कि तु एलिया चिही त?” युहन्‍ना जबाब देल्‍कै, “नै।” “तब कि तु अगमबक्‍ता चिही त?” उ जबाफ देल्‍कै, “नै।”

युहन्‍ना 1:25

तब उसब युहन्‍नाके पुछल्‍कै, “यदी तु खिरिस्‍टो नै चिही, एलियो नै चिही आ कोनो अगमबक्‍तो नै चिही त, कथिले बप्‍तिस्‍मा दैचिही?”

युहन्‍ना 4:19

सामरी जनी कहल्‍कै, “मालिक, अहाँ अगमबक्‍ता चियै से बात आब हम जाइनगेलियै।

युहन्‍ना 6:14

तब उ लोकसब येसुके करल अजगुतके काम देखके कहेलाग्‍लै, “अपनासबके आस करल सन्‍सारमे आबैबला अगमबक्‍ता साँचोके एह्‍या चियै।”

युहन्‍ना 9:17

तब फरिसीसब ओइ अन्‍हर लोकके एकबेर फेनो पुछल्‍कै, “जे लोक तोहर आँख खोइल देल्‍कौ, तु ओकर बारेमे कथी कहैचिही?” उ जबाब देल्‍कै, “उ त अगमबक्‍ता चियै।”

परेरित 5:5

यि बात सुइनके हननिया भुइयामे खस्‍लै आ मैरगेलै। यि बात सुनैबला सबकोइके मनमे डर ढुइक गेलै।

परेरित 7:37

यि ओह्‍या मोसा चियै, जे इजराएलीसबके कहने रहै, ‘परमेस्‍वर हमरा तोरे सबके खातिर हमर जखा अगमबक्‍ता पठाइतौ।’

गलाती 1:24

उसब हम परिबरतन भेलाके कारन परमेस्‍वरके परसन्‍सा करल्‍कै।