लुका 6:13 - मध्‍य पुरविया थारू

¹³ अनगुत भेलाके बाद येसु आपन चेलासबके बोलाइल्‍कै उसबके बिचसे बारह गोराके छानल्‍कै, तब ओकरासबके नाम परेरित देल्‍कै,

लुका 6:13 ပူးပေါင်းရင်းမြစ်များ

मतीके लिखल सुसमाचार 10:2

उ बारहो परेरितसब एह्‍या चियै- पहिन्‍का सिमोन, जकर नाम पतरुसो चियै आ ओकर भाइ अन्‍दरियास, जब्‍दियाके बेटा याकुब आ ओकर भाइ युहन्‍ना,

मतीके लिखल सुसमाचार 19:28

येसु उसबके कहल्‍कै, “साँचेके हम तोरासबके कहैचियौ, नया सिरिस्‍टीमे जहिया मानबके पुतर आपन महिमाके सिंहासनमे बैठतै, तहिया तुहुसब बारह सिंहासनमे बैठबही आ इजराएलके बारह कुलके नियाइ करबिही।

मतीके लिखल सुसमाचार 9:36

लोकसबके भिर देखके ओकर हिरदय दयासे भैर गेलै। कथिलेकी चरबाहा बिनाके भेंरासब जखा निरास आ लाचार छेलै।

मरकुस 6:30

तब परेरितसब येसु लग घुइमके एलै। उसब जे-जे करने रहै आ सिखेल्‍हा बातसब येसुके सुनाइल्‍कै।

मरकुस 6:7

येसु आपन बारहो चेलासबके आपनलग बोलाइल्‍कै आ ओइसबके भुत आत्‍मासब निकालैके सक्‍ती आ अधिकारो दके दुइ-दुइ गोरा कैरके परचार करैले पठेल्‍कै।

लुका 11:49

अहै खातिर सबकुछ जानैबला परमेस्‍वर कहल्‍कै, ‘हम तोरासबके लगमे अगमबक्‍ता आ परेरितसबके पठाइबौ। महज ओइमेसे ककरो मारबिही त ककरो सताइबिही।’

लुका 22:30

तब तुसब हमर राजमे हमरे सङे-सङे खेबही, पिब्‍ही आ इजराएलके बारहो कुलके नियाइ करैले राज गद्‍दीमे बैठबिही।”

लुका 6:14

सिमोन (जकरा येसु पतरुस नाम देने छेलै) आ अन्‍दरियास (सिमोनके भाइ), याकुब, युहन्‍ना, फिलिप, बारथोलोमाइ,

युहन्‍ना 4:33

तैल्‍याके चेलासब आपसमे बात करे लाग्‍लै, “हमसब बाहर ग्‍याल बखत कोइ अकर लेल कोनो खाइबला चिज आइनदेल्‍कै कि कनङ?”

परेरित 1:13

सहर भितर ढुक्‍लाके बाद उसब उपरका महलाके कोठलीमे गेलै, जते उसब रहैछेलै। उसब पतरुस, युहन्‍ना, याकुब, अन्‍दरियास, फिलिप आ थोमा, बारथोलोमाइ आ मती, अल्‍फयासके बेटा याकुब आ देसभक्‍त दलके सिमोन आ याकुबके बेटा यहुदा छेलै।

एफिसी 2:20

परेरित आ अगमबक्‍तासबके खुनल जगमे बनल घर तुसब चिही। यि जगके मुल खम्‍हा येसु खिरिस्‍ट आपने चियै।

एफिसी 4:11

वह्‍या ककरो आपन परेरितसब, ककरो अगमबक्‍तासब, ककरो परचारकसब, ककरो मन्‍डलीके देख-भाल करैबला पास्‍टरसब आ ककरो सिक्‍छकसब नियुक्‍त करल्‍कै।

हिबरु 3:1

ओहैसे परमेस्‍वरके बोलाबट पाबलहा पबितर जनसब, तुसब आपन धियान येसुमे लगा, जकरा अपनासब परेरित आ परधान पुजारी कैहके सुइकार करैचियै।

२ पतरुस 3:2

पहिनेके पबितर अगमबक्‍तासबके बोलल अगमबानी आ तोरासबके परेरितसबसे अपनासबके परभु आ मुक्‍ती दैबला परभुके देल आग्‍या तोरासबके सम्‍झैले परतौ।

परकास 12:1

तकरबाद अकासमे एकटा अचमके बरका चेन्‍हा देखा परलै। एकटा जनि देखा परलै, जे सुरुज पिन्‍हने छेलै, जकर टाङके निचामे चान आ मुरमे बारहटा तराके मुकुट लगेने छेलै।

परकास 18:20

हे स्‍वरगमे भेल्‍हासब, उ सहर नास भेलासे खुस हो। हे परमेस्‍वरके पबितर जनसब, परेरितसब आ अगमबक्‍तासब सबकोइ आनन्‍द मना! कथिलेत तोरासबके सताबैके कारन परमेस्‍वर ओकर नियाय करने छै।

परकास 21:14

ओइ सहरके देबालके बारहटा जग छेलै आ ओइमे थुमाके बारह परेरितसबके नाम लिखल छेलै।