लुका 4:7 - मध्‍य पुरविया थारू

⁷ झुकके हमर टाङमे गोरलागबै त यि सबचिज अहाँके भ्‍याजेतै।”

लुका 4:7 ပူးပေါင်းရင်းမြစ်များ

मतीके लिखल सुसमाचार 2:11

तब उसब घर भितर ढुकलै आ माँ मरियम सङे बालकके देखल्‍कै। तब ठेङहुनिया द्‍याके ओकरा गोरलागल्‍कै आ तब आपन-आपन पेटी खोइलके सोना, सुगन्‍ध दैबला धुप आ महग अतरके तेल भेटी चरहेल्‍कै।

लुका 17:16

आ उ येसुके टाङ पकैरके धन्‍यबाद देल्‍कै। उ एकटा सामरी छेलै।

लुका 4:6

सैतान ओकरा कहल्‍कै, “हम यि सब राजके रजा, यि सब धन-सम्‍पतीके मालिक बन्‍यासकै चियै कथिलेत यि सब अधिकार हमर हाथमे देल छै आ हम जकरा चाहबै तकरा दयासकै चियै।

लुका 4:8

तब येसु ओकरा जबाफ देल्‍कै, “पबितर धरमसास्‍तरमे लिखल छै, ‘तु परमपरभु, खालि आपन परमेस्‍वरके गोर लाग आ ओकरेटा सेबा कर।’”

लुका 8:28

येसुके देखके उ चिच्‍याके ओकर अगा ठेङहुनिया दैत कहल्‍कै, “हे सबसे बरका परमेस्‍वरके बेटा येसु, अहाँ हमरसे कथी चाहैचियै? हम अहाँके गोर लागैची, हमरा नै सताबु।”

परकास 22:8

हम युहन्‍ना, यि सब बात सुन्‍ने आ देखने चियै। जब हम यि बात सुनलियै आ देखलियै, तब हम यि बात देखाइबला स्‍वरगदुतके अगामे ठेङहुनिया द्‍याके आराधना करैले खोजलियै।

परकास 4:10

उसब गित गाबैतरहैत बेरमे सबदिन जिबित आ सिंहासनमे बिराजमान रहैबलाके अगा उ चौबिसटा धरमगुरुसब गोरलागल्‍कै आ आपन-आपन मुकुट ओकर सिंहासनके अगा राइखके अनङ कहल्‍कै,

परकास 5:8

तकरबाद उ चारटा जिबित परानीसब आ चौबिसटा धरमगुरुसब अगा आइबके निहुक गेलै। सबके हाथमे एक-एकटा बजाबैबला बिना आ धुप गमकसे भरल सोनाके बाटी छेलै, उ धुपके गमक त परमेस्‍वरके लोकसबके चरहाल बिन्‍ती परथना चियै।