लुका 4:32 - मध्‍य पुरविया थारू

³² ओकरासब येसुके सिक्‍छा सुइनके छक्‍के परलै, कथिलेत ओकर बचन अधिकारसे भरल छेलै।

लुका 4:32 ပူးပေါင်းရင်းမြစ်များ

मरकुस 1:22

ओकर सिक्‍छा सुइनके ओतेका लोकसब छक्‍क परलै, कथिलेत उ धरमगुरुसब जखा नै महज अधिकारसे भरल लोक जखा सिखाइछेलै।

लुका 2:47

ओकर बिचार आ उतर दैत सुइनके ओइ ठामके सब लोकसब आस्‍चरजमे परलै।

लुका 4:33

यहुदी सभाघरमे भुत आत्‍मा लागल एकटा लोक छेलै आ उ जोरसे चिच्‍याके कहल्‍कै,

लुका 4:36

तब सबलोक छक परलै आ आपनेमे बात करे लाग्‍लै, “यि केहन बचन चियै? अकर सङे केहन सक्‍ती आ अधिकार छै जब भुत आत्‍माके आग्‍या करैछै त निकैल जाइछै।”

युहन्‍ना 6:63

जिबन दैबला त परमेस्‍वरके आत्‍मा चियै। देहके कोनो महत्‍व नै छै। जे बचन हम तोरासबके देनेचियौ, उ परमेस्‍वरके आत्‍मासे एलचियै आ तोरासबके जिबन देतौ।

युहन्‍ना 7:46

पहरेदारसब जबाफ देल्‍कै, “उ लोक जखा त अखुनतक कोनो लोक नै बोल्‍नेछै!”

२ कोरन्‍थी 4:2

हमसब सब किसिमके घोसैरके करैबला सरमके कामसब त्‍यागनेचियै। हमसब धुर्‌त काम नै करैचियै नै त परमेस्‍वरके बचनके गलत हिसाबसे परयोग करैचियै। महज परमेस्‍वरके सामने हमसब खिरिस्‍टके बारेमे सत बात मातरे बोलैचियै, ताकि कोनो लोकसबके मनमे हमसब छल करैचियै कैहके दोस लगाइले नै पाबे।

१ थेसलोनिकी 1:5

कथिलेकी जे सुसमाचार हमसब सुनेलियै उ सब्‍द मातरे नै महज सक्‍तीके साथ, पबितर आत्‍माके साथ आ पुरे निस्‍चयताके साथ एलै। जखन हमसब तोरासबके सङे रहलियै त केहेन चालचलनके जिबन जिलियै से तोरासबके थाहे छौ।

तितस 2:15

तु बिस्‍बासीसबके यि सब बात पुरा अधिकारसे सिखाही, हौसला दहै आ हप्‍का। कोनो लोक तोरा हेला करे तैके मौका नै दहै।