लुका 22:70 - मध्‍य पुरविया थारू

⁷⁰ तब उसब येसुके पुछल्‍कै, “कि, तुही परमेस्‍वरके बेटा चिही?” येसु ओइसबके जबाफ देल्‍कै, “से बात त तुहेसब कहैचिही, हम ओहे चियौ।”

लुका 22:70 ပူးပေါင်းရင်းမြစ်များ

मतीके लिखल सुसमाचार 26:25

तब ओकरा पकराइबला यहुदा पुछल्‍कै, “गुरु जी, कि उ हम चियै?” येसु ओकरा कहल्‍कै, “तु अपने कहलिही।”

मतीके लिखल सुसमाचार 26:64

येसु ओकरा कहल्‍कै, “से बात अहि कैहदेलियै। तैयो हम तोरासबके कहैचियौ, एक दिन तुसब मानबके बेटाके सक्‍तीसाली परमेस्‍वरके देहना हाथ कातमे बैठल आ अकाससे बादलमे आबैत देखबिही!”

मतीके लिखल सुसमाचार 27:11

जब येसु बडा हाकिमके अगा ठार भेलै, तब बडा हाकिम ओकरा पुछल्‍कै, “कि तु यहुदीसबके रजा चिही?” येसु ओकरा जबाफ देल्‍कै, “अहाँ अपने कैहरहल चियै त।”

मतीके लिखल सुसमाचार 27:43

यि परमेस्‍वरमे भरोसा राखैत राखैछै। परमेस्‍वर अकरासे खुसी छै त अखुन बचाबे कथिलेत यि अपनेके परमेस्‍वरके बेटा कहैत रहै।”

मतीके लिखल सुसमाचार 27:54

रोमी कप्‍तान आ ओकरजरे येसुके ओगरैबला सिपाहीसब भुमकौन आ यि घटनासब देखके बहौत डेरेलै आ कैह उठलै कि, “साँचोके यि त परमेस्‍वरके बेटा रहै।”

मतीके लिखल सुसमाचार 3:17

तब स्‍वरगसे एहेन एकटा अबाज एलै, “यि हमर दुलरुवा बेटा चियै, अकरसे हम बहौत खुसी चियै।”

मतीके लिखल सुसमाचार 4:3

तहै बखत सैतान ओकरलग आइबके कहल्‍कै, “साँचोके तु परमेस्‍वरके बेटा चिही त यि पथलसब रोटी भ्‍याजो कैहके आग्‍या कर।”

मरकुस 14:62

तब येसु कहल्‍कै, “हँ, हम चियै। एक दिन अहाँ मानबके बेटाके महान परमेस्‍वरके देहना हाथ कातमे बैठल आ अकाससे बादलके सङे आइबरहल देखबिही!”

मरकुस 15:2

पिलातस येसुके सबाल करल्‍कै, “कि तु यहुदीसबके रजा चिही?” येसु जबाफ देल्‍कै, “से बात त अहै कहैचियै।”

लुका 22:71

उसब कहल्‍कै, “आब अकर बिरोधमे हमरासबके औरो कोनो परमान नै चाही, कथिलेत अपनासब अकरे मुहसे सुइनलेलियै।”

लुका 23:3

तब पिलातस ओकरा पुछल्‍कै, “कि तु यहुदीसबके रजा चिही?” येसु जबाब देल्‍कै, “से बात त अहै कहैचियै।”

लुका 4:41

बहुत लोकसबके देहसे भुतसब चिच्‍याइते ऐहेन कैहके निकल्‍लै, “अहाँ परमेस्‍वरके बेटा चियै!” महज येसु खिस्‍याके भुतसबके बोले नै देल्‍कै कथिलेत मुक्‍ती दैबला खिरिस्‍ट चियै कैहके चिन्‍हैछेलै।

युहन्‍ना 1:34

हम यि सब देख्‍ने चियै आ गबाही दैचियै कि, ओह्‍या परमेस्‍वरके बेटा चियै।”

युहन्‍ना 1:49

नथानेल जबाब देल्‍कै, “गुरु जी, अहाँ परमेस्‍वरके बेटा चियै! अहाँ त इजराएलके रजा चियै।”

युहन्‍ना 10:30

पिता आ हम एके चियै।”

युहन्‍ना 10:36

महज हमरा त पिता आपन पबितर उदेस्‍य पुरा करैके लेल चुइनके अइ सन्‍सारमे पठाइने छै। आब ‘हम परमेस्‍वरके बेटा चियै’ त कनङके परमेस्‍वरके अपमान भेलै?

युहन्‍ना 18:37

पिलातस ओकरा पुछल्‍कै, “कि तु रजे चिही त?” तब येसु जबाफ देल्‍कै, “हम रजा चियै कैहके अहै त कहैचियै। हम अहै खातिर यि सन्‍सारमे जलम लेलियै आ सतके बारेमे गबाही दैले सन्‍सारमे एलियै। जे सतके पक्‍छमेछै, से हमर बात सुनैछै।”

युहन्‍ना 19:7

यहुदी अगुवासब ओकरा जबाफ देल्‍कै, “हमरासबके बेबस्‍थाके नियम अनुसार अकरा मिरतुदन्‍ड दैलेपरतै कथिलेत यि आपनके हम परमेस्‍वरके बेटा चियौ कैहके दाबी करैछै।”