लुका 22:52 - मध्‍य पुरविया थारू

⁵² महज ओकर बिरोधमे एल्‍हा मुल पुजारीसब, मन्‍दिरके चौकिदारसब आ अगुवासबके येसु कहल्‍कै, “कि हम डाकु चियै, जे तुसब हमरा पकरैले लाठी आ तलबार ल्‍याके एलचिही?

लुका 22:52 ပူးပေါင်းရင်းမြစ်များ

मतीके लिखल सुसमाचार 26:47

येसु यि बातसब कहते रहलै, कि तखनिए यहुदा जे ओकर बारह गोरा चेलामेसे एकटा छेलै से एलै। ओकरसङे लाठी आ तलबार लेने लोकसबके एकटा भिर छेलै। ओइसबके मुल पुजारीसब आ अगुवासब पठेने छेलै।

मतीके लिखल सुसमाचार 26:55

तकरबाद येसुके पकरैले ऐल भिरके लोकसबके कहल्‍कै, “कि हम डाकु चियै से सोइचके तुसब हमरा पकरैले तलबार आ लाठी ल्‍याके एलचिही? दिनदिने त हम मन्‍दिरमे सिक्‍छा दैत तोरेसबसङे छेलियौ तखुन हमरा नै पकरलिही।

लुका 22:37

हम तोरासबके कहैचियौ, ‘उ अपराधीसबसङे गनल गेलै’ यि पबितर धरमसास्‍तरमे लिखलाहा बातसब हमरमे पुरा हेबैये परतै। कथिलेत हमर बारेमे लिखल बातसब पुरा भ्‍यारहलछै।”

लुका 22:4

तब उ मुल पुजारी आ मन्‍दिरके लठैतसब लग ज्‍याके येसुके कनङके पकराइबै कैहके सर-सल्‍लाह करल्‍कै।

लुका 22:51

महज येसु कहल्‍कै, “भेलै, आब अकरा छोइरदहै!” तब येसु ओइ लोकके कान छुबल्‍कै आ निक कैरदेल्‍कै।

लुका 22:53

हम सबदिन मन्‍दिरमे तोरेऔरकेसङे छेलियौ। महज हमरा पकरैले तोरौरके साहस नै करलिही। आब तोरौरके काम करैबला समय उहे चियौ आ सैतानके सक्‍ती ऐहनङे राज करतौ।”

युहन्‍ना 17:12

जब हम सन्‍सारमे ओइसबसङे छेलियै, तब हम ओइसबके अहाँके आपन नामके सक्‍तिसे रक्‍छा करलियै, जे नाम अहाँ हमरा देनेछेलियै। हम ओइसबके बचेलियै आ ओइसबमेसे नास हैबलाके छोइरके औरो कोइ नास नै भेलै, महज पबितर धरमसास्‍तरमे लिखल बचन पुरा हेबे कैहके यि भेलै।

परेरित 5:26

तब हाकिमसब कप्‍तानसबसङे ज्‍याके परेरितसबके पकैरके आनल्‍कै। लोकसब पथल फेकके मारत से डरसे परेरितसबके जबरजस्‍ती नै कैरके आनल्‍कै।