लुका 22:19 - मध्‍य पुरविया थारू

¹⁹ तकरबाद येसु रोटी लेल्‍कै आ परमेस्‍वरके धन्‍यबाद चरहेल्‍कै तब रोटी तोइरके ओइसबके देल्‍कै आ कहल्‍कै, “तोरासबके खातिर देल यि हमर देह चियौ। आबसे हमर यादमे तोरौरके ऐहनङे करैतरह।”

लुका 22:19 ပူးပေါင်းရင်းမြစ်များ

मतीके लिखल सुसमाचार 14:19

तकरबाद ओइ लोकसबके घासमे बैठ कैहके आग्‍या देल्‍कै आ उ रोटी आ माछ ल्‍याके स्‍वरग दिसन ताइकके परमेस्‍वरके धन्‍यबाद देल्‍कै, तकरबाद रोटी खाइरके चेलासबके देल्‍कै आ चेलासब ओइ लोकसबके परैस देल्‍कै।

मतीके लिखल सुसमाचार 15:36

तकरबाद उ सात रोटी आ माछसब ल्‍याके परमेस्‍वरके धन्‍यबाद देल्‍कै आ खाइरके चेलासबके परसैले देल्‍कै। तब चेलासब लोकसबके परैस देल्‍कै।

लुका 22:17

तकरबाद येसु बाटी लेल्‍कै आ परमेस्‍वरके धन्‍यबाद चरहाके कहल्‍कै, “यि ले आ तोरौरके सबकोइ आपनमे बाइटके पि।

लुका 22:20

ऐहनङे ख्‍यालेलाके बाद उ बाटी लेल्‍कै आ कहल्‍कै, “यि बाटी तोरौरके खातिर हमर लहुसे बान्‍हल लबका करार चियौ। यि लहु तोरेऔरके खातिर बह्‍याल गेल छौ।

लुका 24:30

जब येसु ओइसबसङे खाइले बैठलै तब उ रोटी ल्‍याके आसिरबाद देल्‍कै आ तोइरके ओइसबके देल्‍कै।

युहन्‍ना 6:23

तब तिबेरियास सहरसे औरो नाहसब ओइ ठामलग एलै, जते येसु परमेस्‍वरके धन्‍यबाद द्‍याके लोकसबके रोटी खियाइने छेलै।

युहन्‍ना 6:51

स्‍वरगसे एल जिबित रोटी त हम्‍ही चियै। जे कोइ यि रोटी खेतै, से कोइ सबदिन जिबित रहतै। सन्‍सारके लोकसबके जिबनके लेल जे रोटी हम दैचियै, उ हमर देह चियै।”

१ कोरन्‍थी 10:16

जब हमसब परभु-भोजके बाटी ल्‍याके परमेस्‍वरके धन्‍यबाद दैचियै, कि उ बाटीसे पियैचियै त हमसब खिरिस्‍टके लहुमे सहभागी नै भेलियै से? आ उ रोटी, जकरा हमसब तोइरके खेलियै, कि खिरिस्‍टके देहमे सहभागी नै भेलियै से?

१ कोरन्‍थी 10:4

आ सबकोइ एके आत्‍मिक पानी पिल्‍कै, कथिलेत उसब सङे-सङे यातरा करैबला आत्‍मिक चटानसे निकलल पानी पिल्‍कै आ उ चटान खिरिस्‍ट छेलै।

गलाती 1:4

येसु खिरिस्‍ट अपनासबके अइ दुस्‍ट सन्‍सारसे बचाइके लेल परमेस्‍वर आ पिताके इक्‍छा मुताबिक पापके खातिर बली भेलै।

गलाती 4:25

हागार जे अरब देसके सिनै पहारके बुझल जाइछै तकर तुलना अखुन्‍का यरुसलेमसे करल जाइछै, कथिलेत उ आ ओकर सब बेटा-बेटीसब बेबस्‍थाके अधिनमे छै।

एफिसी 5:2

जनङ खिरिस्‍ट अपनासबके परेम करल्‍कौ, तहिनङ तुहुसब एक-दोसरके परेम कर। उ अपनसबके खातिर परमेस्‍वरके अगा आपनेके गमगम करैबला भेटी आ बलिदानके रुपमे अरपन करल्‍कै।

१ थेसलोनिकी 5:18

केहनो परिस्‍थितीमे परमेस्‍वरके धन्‍यबाद दहै, कथिलेकी येसु खिरिस्‍टमे तोरासबके लेल परमेस्‍वरके इक्‍छा यिहे चियौ।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

१ पतरुस 2:24

हमसब पापके लेल मैरके धारमिकताके लेल जियैले सकि कैहके खिरिस्‍ट अपनासबके पापसबके खातिर आपन देहमे पाप बोइकके कुरूसमे मरलै। ओकर चोटसबसे तुसब निक भेलचिही।