लुका 20:6 - मध्‍य पुरविया थारू

⁶ ‘मानबसे’ कहबै त, सब लोकसब मिलके पथल बरसाके हमरासबके माइरदेतै, कथिलेत युहन्‍ना अगमबक्‍ता छेलै से उसब बिस्‍बास करैछै।”

लुका 20:6 ပူးပေါင်းရင်းမြစ်များ

मतीके लिखल सुसमाचार 11:9

तुसब कथी देखे गेल छेल्‍ही? कि कोनो अगमबक्‍ताके देखैले? हँ हम तोरासबके कहैचियौ, अगमबक्‍तोसे बरका लोकके देखलिही।

मतीके लिखल सुसमाचार 14:5

अहै कारन हेरोद युहन्‍नाके मारैले बिचार करने रहै, महज उ लोकसबसे डराइछेलै, कथिलेत उ लोकसब युहन्‍नाके अगमबक्‍ता मानैछेलै।

मतीके लिखल सुसमाचार 21:26

महज ‘लोकसबसे’ कहबै त, अपनासबके लोकसबसे डर छै। कथिलेत सबलोक युहन्‍नाके अगमबक्‍ता चियै कैहके मानैछै।”

मतीके लिखल सुसमाचार 21:46

तैखातिर उसब ओकरा पकरैले चाहल्‍कै, महज उसब लोकसबसे डराबै छेलै। कथिलेत लोकसब ओकरा एक अगमबक्‍ता चियै कैहके ठानैछेलै।

मतीके लिखल सुसमाचार 26:5

महज उसब कहल्‍कै, “पाबैनके बखत यि काम करनाइ उचित नै छै, नै त लोकसबमे बारका हुलदङा मैच जेतै।”

मरकुस 12:12

तैल्‍याके मुख पुजारीसब, सास्‍तरीसब आ अगुवासब येसुके पकरैले ताकैछेलै, कथिलेत यि खिसा हमरेसबके बिरोधमे कैहरहल छै से बुझल्‍कै। महज भिरके लोकसबसे डराबैके कारन ओकरा छोइरके चैलगेलै।

लुका 1:76

हे हमर बेटा, तु सरबोच परमेस्‍वरके अगमबक्‍ता कहाइबिही। कथिलेत तु परभुके अगा-अगा ओकर रस्‍ता बनाइले जेब्‍ही।

लुका 20:5

तब उसब एकदोसरसे बात-चित करे लाग्‍लै, “परमेस्‍वरसे कहबै त, ‘कथिले नै तुसब युहन्‍नाके बिस्‍बास करलिही?’ से बात उ कहतै।

लुका 20:7

अइखातिर उसब जबाब देल्‍कै, “हमसब नै जानैचियौ, उ अधिकार कतेसे एलछै।”

लुका 7:30

महज फरिसीसब आ धरमगुरुसब युहन्‍नासे बप्‍तिस्‍मा नै लैके कारन उसब परमेस्‍वरके योजनाके इन्‍कार करल्‍कै।

युहन्‍ना 10:41

ओइ बखत बहुतो लोक ओकरलग एलै। उसब कहल्‍कै, “युहन्‍ना कोनो अजगुतके काम नै करल्‍कै महज युहन्‍ना येसुके बारेमे जे कुछ कहने छेलै उ सब बात सत छेलै।”

परेरित 5:26

तब हाकिमसब कप्‍तानसबसङे ज्‍याके परेरितसबके पकैरके आनल्‍कै। लोकसब पथल फेकके मारत से डरसे परेरितसबके जबरजस्‍ती नै कैरके आनल्‍कै।