लुका 20:26 - मध्‍य पुरविया थारू

²⁶ लोकसबके सामने उसब ओकरा बातमे फसाइले नै सक्‍लै आ ओकर जबाब सुइनके आस्‍चरज मानल्‍कै आ चुपचाप रहलै।

लुका 20:26 ပူးပေါင်းရင်းမြစ်များ

मतीके लिखल सुसमाचार 22:12

तब रजा ओकरा पुछल्‍कै, ‘यौ, सङी! अहाँ बियाह भोजमे पिन्‍हैबला बस्‍तर नै पिन्‍हके कनङके भितर एलियै?’ महज उ कुछो कहैले नै सकल्‍कै।

मतीके लिखल सुसमाचार 22:22

येसुके जबाफ सुइनके उसब चकित रैहगेलै आ उसब ओतेसे चैलगेलै।

मतीके लिखल सुसमाचार 22:34

येसु सदुकीसबके चुप लगेल्‍कै कैहके जब फरिसीसब सुनल्‍कै, तब फरिसीसब ओकरलग जमा भेलै।

मतीके लिखल सुसमाचार 8:10

जब येसु यि बातसब सुनल्‍कै तब आस्‍चरजमे परलै आ आपन पछा लागैबला लोकसबके कहल्‍कै, “साँचोके, हम तोरासबके कहैचियौ, एहेन बिस्‍बास करैबला लोक त हम इजराएली लोकसबमे नै भेटेलियै।

लुका 11:54

आ ओकर मुहसे गलत बात निक्‍ले कैहके उसब पकरैके बहाना खोजे लाग्‍लै।

लुका 13:17

येसुके यि जबाब सुइनके ओकर बिरोधीसब लाजमे परलै। महज ओकर आस्‍चरजके करलाहा काम देखके औरो लोकसब खुसी भेलै।

लुका 20:20

उसब येसुके पकरैले मौका ताके लाग्‍लै आ आपनके धरमी कहाइबला जासुससबके ओकरलग पठाइल्‍कै। येसुके ओकरे कहलहा बातमे ओकरा फसाके रोमी सासकसबके हाथमे फसाइके दाउमे उसब छेलै।

रोमी 3:19

बेबस्‍थाके बात त बेबस्‍थाके अधिनमे रहैबला लोकसबके लेल चियै कैहके हमरासबके थाहछै। ओहैसे परमेस्‍वर सन्‍सारके नियाय करैतखिना हम पाप नै करनेचियै कैहके बहाना बनाबे नै सक्‍तै।

तितस 1:10

कथिलेकी बहुतो एहेन लोकसब रहै जेसब अगुवासबके अधिनमे रहैले नै मानै, बेरथके बात करै आ दोसरके धोखा दैछै। खास कैरके त खतना हैकेचाही कहैबलासब ओहेन हैछै।