लुका 2:46 - मध्‍य पुरविया थारू

⁴⁶ खोज्‍ते-खोज्‍ते तिन दिनके बाद उसब येसुके परमेस्‍वरके मन्‍दिरमे देखल्‍कै। ओते उ धरमगुरुसब सङे बैठके बात सुनै आ परस्‍न करैछेलै।

लुका 2:46 ပူးပေါင်းရင်းမြစ်များ

मतीके लिखल सुसमाचार 12:40

कथिलेत जहिनङे योना तिन दिन आ तिन रात बरका माछके पेटमे छेलै, तहिनङे मानबोके बेटा तिन दिन आ तिन रात पिरथिबीके पेटेमे रहतै।

मतीके लिखल सुसमाचार 16:21

ओह्‍या दिनसे येसु आपन चेलासबके खोइलके सब बात कहैले लाग्‍लै, “हम यरुसलेम जेबै आ ओते अगुवासब, मुल पुजारीसब आ धरमगुरुसबसे बहुत दुख भोग्‍बौ, मारल जेबौ आ तेसर दिनमे फेनो मिरतुसे जिके उठबौ।”

लुका 2:47

ओकर बिचार आ उतर दैत सुइनके ओइ ठामके सब लोकसब आस्‍चरजमे परलै।

लुका 5:17

एक दिन येसु लोकसबके सिक्‍छा दैत रहै तै जगह गालिल आ यहुदियाके सब गाम, यरुसलेमसे ऐल्‍हा फरिसीसब आ यहुदी सास्‍तरीसब लगमे बैठल छेलै। बिमारीसबके निक करैबला परभु परमेस्‍वरके सक्‍ती येसुके साथमे छेलै।

युहन्‍ना 3:10

तब येसु जबाब देल्‍कै, “तु त इजराएलके गुरु चिही, तैयो यि बात नै बुझैचिही?

परेरित 5:34

महज बेबस्‍थाके पन्‍डित आ लोकसबमे फरिसी पन्‍थके एक गोरा नाम चलल गमलिएल महासभामे उइठके परेरितसबके कुछदेर बाहर जाइले आग्‍या करल्‍कै,

१ तिमोथी 1:7

उसब मोसाके बेबस्‍था सिखाबैबला गुरु हैले चाहैछै महज कथी बोइलरहल छै आ कथिके बारेमे बिसेस सिखाइछै से आपने नै जानैछै।