लुका 18:43 - मध्‍य पुरविया थारू

⁴³ तखुन्‍तेसे उ देखे लाग्‍लै आ परमेस्‍वरके परसन्‍सा करैत ओकर पछा लाग्‍लै। यि देखैबला औरो लोकसब परमेस्‍वरके परसन्‍सा करैले लाग्‍लै।

लुका 18:43 ပူးပေါင်းရင်းမြစ်များ

गलाती 1:24

उसब हम परिबरतन भेलाके कारन परमेस्‍वरके परसन्‍सा करल्‍कै।

परेरित 26:18

तु ओकरासबके आँख खोइलके अन्‍हारसे इजोतमे आ सैतानके बन्‍धनसे परमेस्‍वर दिसन घुमाबे। जैसे उसब हमरमे बिस्‍बास करे आ ओकरसबके पाप छमा भ्‍याजाय आ परमेस्‍वरके पबितर करल लोकसब रहल ठाममे रहे पाबे।’

परेरित 11:18

यि बात सुइनके परभुमे बिस्‍बास करैबला यहुदीसब पतरुसके दोस लगाइले छोइरदेल्‍कै आ परमेस्‍वरके परसन्‍सा करल्‍कै, “आब त परमेस्‍वर आनो जातीसबके पापसे पस्‍चाताप कैरके अनन्‍त जिबन पाबैके अबसर देने छै।”

परेरित 4:21

ओइसबसङे सजाय दैके कोनो उपाय नै भेलासे डर-धम्‍की द्‍याके छोइरदेल्‍कै, कथिलेत जे घटना घटल छेलै ओइ घटनाके खातिर सब लोकसब परमेस्‍वरके परसन्‍सा करैतरहै।

लुका 13:17

येसुके यि जबाब सुइनके ओकर बिरोधीसब लाजमे परलै। महज ओकर आस्‍चरजके करलाहा काम देखके औरो लोकसब खुसी भेलै।

लुका 5:26

ओतेका सब लोकसब आस्‍चरजमे परलै, उसब परमेस्‍वरके महिमा करल्‍कै आ परमेस्‍वरके अतेक बरका सक्‍ती देखके उसब डेरागेलै तब कहल्‍कै, “आइ हमसब अचमके काम देखलियै।”

लुका 4:39

तब ओकरलग ठार भ्‍याके येसु कहल्‍कै, “जर बोखार अकरा छोर!” तब उ निक भ्‍यागेलै आ तखुन्‍ते उठके ओकरासबके स्‍वागत सत्‍कार करल्‍कै।

मतीके लिखल सुसमाचार 21:14

तब मन्‍दिरमे अन्‍हरासब आ नेङरासब येसु लग एलै आ उ ओइसबके निक करल्‍कै।

मतीके लिखल सुसमाचार 11:5

अन्‍हरासब देखैछै, नेङरासब चलैछै, कोढि-कुस्‍टी लागलसब सुध हैछै, बैहरासब सुनैछै, मरलसब जिजाइछै आ दुखी गरिबसबके सुसमाचार सुनाइछै।

मतीके लिखल सुसमाचार 9:8

जब लोकसबके भिर यि देखल्‍कै तब उसब डरा गेलै आ लोकसबके एहेन सक्‍ती दैबला परमेस्‍वरके परसन्‍सा करल्‍कै।

१ पतरुस 2:9

महज तुसब त परमेस्‍वरके छानल जन, राजकिय पुजारी, पबितर जाती, निजी परजा चिही। उ तोरासबके अन्‍हारसे ओकर अचमके इजोतमे आनल्‍कौ, ताकी तुसब ओकर आस्‍चरजके कामसबके घोसना करैले सक।

लुका 19:37

येसु यरुसलेमके लगेमे जैतुन पहारके ढरकाहमे एलै। चेलासबके भिर आपनेसे देखलाहा सब सक्‍तिसाली कामसबके लेल परमेस्‍वरके जोर जोरसे परसन्‍सा करे लाग्‍लै।

लुका 9:43

परमेस्‍वरके एतेक बरका सक्‍ती देखके सब लोकसब छक परलै। येसुके करल सबकाम, सब लोकसब छक परल देखके, उ आपन चेलासबके कहल्‍कै,