लुका 18:23 - मध्‍य पुरविया थारू

²³ महज यि बात सुइनके यहुदी सासक उदास भेलै, कथिलेत उ बहुत बरका धनिक छेलै।

लुका 18:23 ပူးပေါင်းရင်းမြစ်များ

मतीके लिखल सुसमाचार 19:22

यि बात सुइनके उ लोक एकदम निरास भेलै आ ओतेसे चैलगेलै, कथिलेत ओकरा बहुत धन-सम्‍पती रहै।

मरकुस 10:22

यि बात सुइनके उ लोक उदास भेलै आ दुखी भ्‍याके चैलगेलै, कथिलेत उ बहुत बरका धनिक छेलै।

लुका 12:15

तब येसु भिरमे भेल्‍हा सब लोकसबसे कहल्‍कै, “सब परकारके लोभ लालच करैसे होसियार रह, कथिलेत लोकके जिन्‍गी ओकर धने सम्‍पैतमे अरल नै रहैछै।”

लुका 18:22

यि बात सुइनके येसु ओकरा कहल्‍कै, “तोहरमे एकटा औरो चिजके कमि छौ। तोहर सङे भेल्‍हा सब धन-समपैत बेचके गरिबसबके बाइट दहै, तब स्‍वरगमे तोरा बहुत धन हेतौ आ हमर पछा लाग।”

लुका 18:24

तब येसु ओकरा देखके कहल्‍कै, “धनिक लोकसबके परमेस्‍वरके राजमे आबैले बहुत कठिन हैछै!

लुका 19:8

जक्‍कैया परभुके अगा ठार भ्‍याके कहल्‍कै, “देखु, परभु हम आब आपन सब धन-सम्‍पतीके अधा हिस्‍सा गरिबसबके बाइट देबै आ ककरोसे ठैक फुस्‍याके कुछो लेने हेबै त हम ओकर चौबर फिरता कैरदेबै।”

लुका 21:34

“तुसब आपनमे होसियार रह, बेसी भोज-भतेरके पछा नै जो, मतबालीपना आ जिन्‍गीके बारेमे चिन्‍ता करैसे होसियार रह, नै त उ दिन नै सोचलहा बखतमे चैलएतौ।

लुका 8:14

काँटसबके बिचमे परेबला उसब चियै, जे कोइ सुनैछै महज पाछे जिबनके चिन्‍ता, धन, सुख-चैन के खातिर नै बरहे सकैछै।

एफिसी 5:5

तोरासबके यि बात जानैये परतौ, कि बेबिचार करैबला, अपबितर आ लोभ करैबला लोकके (जे मुरतिपुजा चियै) खिरिस्‍ट आ परमेस्‍वरके राजमे कोनो हक नै छै।

फिलिप्‍पी 3:8

साँचोके कहबै त, खिरिस्‍ट येसु हमर परभुके चिन्‍हैले पाबैबला अनमोल बातके तुलनामे औरो सब बातके हम बेकार सम्‍झैचियै। खिरिस्‍टके पाबैले सकी कैहके ओकरलेल हम सबबातके नोक्‍सानी भोगने चियै आ सब चिजके मैला सम्‍झैचियै,

कलस्‍सी 3:5

सन्‍सारमे तुसब आपन देहके इक्‍छाके मार, जनङ: बेबिचार, अधलाह बात, दुस्‍ट काम, असुध बिचार आ लोभ जे मुरतिपुजा चियै।

१ युहन्‍ना 2:15

सन्‍सार या सन्‍सारमे भेल्‍हा कोनो चिजके परेम नै कर। यदि कोनो लोक सन्‍सारके परेम करैछै त उ परमेस्‍वर पिताके परेम करे नै सक्‍तै।