लुका 18:17 - मध्‍य पुरविया थारू

¹⁷ साँचे हम तोरासबके कहैचियौ, जे एकटा बच्‍चा जखा परमेस्‍वरके राजके गरहन नै करतै त उ कहियो नै भितर ढुकैले सक्‍तै।”

लुका 18:17 ပူးပေါင်းရင်းမြစ်များ

मतीके लिखल सुसमाचार 18:3

“साँचोके हम तोरासबके कहैचियौ, जाबेतक तुसब मन बदैलके यि बच्‍चासबके मन जखा नै हेतौ ताबेतक स्‍वरगके राजमे कहियो नै ढुके सकबिही।

मतीके लिखल सुसमाचार 19:14

महज येसु कहल्‍कै, “छोट धियापुतासबके हमरलग आबैले दहै, ओइसबके नै रोकै, कथिलेत स्‍वरगके राज अहिने लोकसबके लेल चियै।”

मरकुस 10:15

साच्‍चे हम तोरासबके कहैचियौ, जे एकटा बच्‍चा जखा परमेस्‍वरके राजके गरहन नै करतै त उ कहियो नै परमेस्‍वरके राज भितर ढुकैले सक्‍तै।”

लुका 18:16

महज येसु बच्‍चासबके बोलेल्‍कै आ चेलासबके कहल्‍कै, “बच्‍चासबके हमरलग आबैले दहै, ओइसबके नै रोकै। कथिलेत परमेस्‍वरके राज ओकरेसबके लेल चियै जे बच्‍चा जखाछै।

१ कोरन्‍थी 14:20

हे हमर भाइ-भैयासब, तुसब सोच-बिचारमे बचा जखा नै महज परिपक्‍क लोक जखा बन। खराब बातमे ठिक-बेठिक छुटयाबैले नै सकैबला बचा जखा हो।

१ पतरुस 1:14

तुसब आग्‍याकारी धिया-पुता जखा रह। अन्‍जानमे रहै बखत अधलाह इक्‍छा अनुसार जनङ करैछेल्‍ही तनङ नै कर।

१ पतरुस 2:2

भरखरे जलमल बच्‍चासब दुधके चाहना करल जखा तुहुसब सुध आत्‍मिक बचनके लेल पियासल रह। वेहन करैत जेब्‍ही त तुसब मुक्‍तीमे बरहैत जेब्‍ही।