लुका 18:16 - मध्‍य पुरविया थारू

¹⁶ महज येसु बच्‍चासबके बोलेल्‍कै आ चेलासबके कहल्‍कै, “बच्‍चासबके हमरलग आबैले दहै, ओइसबके नै रोकै। कथिलेत परमेस्‍वरके राज ओकरेसबके लेल चियै जे बच्‍चा जखाछै।

लुका 18:16 ပူးပေါင်းရင်းမြစ်များ

मतीके लिखल सुसमाचार 19:14

महज येसु कहल्‍कै, “छोट धियापुतासबके हमरलग आबैले दहै, ओइसबके नै रोकै, कथिलेत स्‍वरगके राज अहिने लोकसबके लेल चियै।”

लुका 18:15

एक दिन लोकसब आपन बच्‍चोसबके उपर हाथ राइखके आसिरबाद देबे कैहके येसु लग आनल्‍कै। महज यि देखके चेलासब ओइसबके पितेल्‍कै।

लुका 18:17

साँचे हम तोरासबके कहैचियौ, जे एकटा बच्‍चा जखा परमेस्‍वरके राजके गरहन नै करतै त उ कहियो नै भितर ढुकैले सक्‍तै।”

परेरित 2:39

कथिलेत यि परतिग्‍या तोरासबके खातिर, तोरासबके धियापुताके खातिर आ दुर-दुरमे रहैबला सबके खातिर चियै, जकरा सबके परभु परमेस्‍वर बोलाइछै।”

१ कोरन्‍थी 14:20

हे हमर भाइ-भैयासब, तुसब सोच-बिचारमे बचा जखा नै महज परिपक्‍क लोक जखा बन। खराब बातमे ठिक-बेठिक छुटयाबैले नै सकैबला बचा जखा हो।

१ कोरन्‍थी 7:14

कथिलेत बिस्‍बास नै करैबला घरबला आपन बिस्‍बास करैबाली घरबालीके कारनसे पबितर हैछै आ बिस्‍बास नै करैबाली घरबाली आपन बिस्‍बास करैबला घरबलाके कारनसे पबितर हैछै। नै त ओइसबके धिया-पुतासब असुध हेतियै महज आब उसब परमेस्‍वरमे पबितर रहैछै।

१ पतरुस 2:2

भरखरे जलमल बच्‍चासब दुधके चाहना करल जखा तुहुसब सुध आत्‍मिक बचनके लेल पियासल रह। वेहन करैत जेब्‍ही त तुसब मुक्‍तीमे बरहैत जेब्‍ही।