लुका 18:14 - मध्‍य पुरविया थारू

¹⁴ तब येसु ओइसबके कहल्‍कै, “हम तोरासबके कहैचियौ, बटी उठाइबला लोक फरिसीसे बेसी धरमी ठहैरके आपन घर गेलै। कथिलेत जे आपनके बरका सोचैछै उ सबसे छोट हैछै आ जे आपनके छोट सोचैछै उ सबसे बरका हैछै।”

लुका 18:14 ပူးပေါင်းရင်းမြစ်များ

मतीके लिखल सुसमाचार 23:12

कथिलेत जे अपनाके बरका सोचैछै उ सबसे छोट हेतै आ जे अपनाके छोट सोचैछै उ सबसे बरका हेतै।

मतीके लिखल सुसमाचार 5:3

धैनके चियै आपनके आत्‍मिक रुपमे कमजोर बुझैबलासब, कथिलेत स्‍वरगके राज ओहिनेसबके चियै।

लुका 1:52

उ सक्‍तिसाली रजासबके ओकर सिंहासनसे अलग करने छै आ आपनके कमजोर ठानैबलाके उपर उठाइने छै।

लुका 10:29

महज उ धरमगुरु हम्‍ही ठिक चियै देखाइले कहल्‍कै, “तब हमर परोसिया के चियै त?”

लुका 14:11

कथिलेत जे अपनाके बरका सोचैछै उसबसे निच हेतै आ जे अपनाके निच सोचैछै उसबसे बरका हेतै।”

लुका 16:15

तब येसु ओइसबके कहल्‍कै, “लोकसबके अगामे आपनके धरमी देखाइबला तुहिसब चिही, महज परमेस्‍वर तोरासबके हिरदयके बातसब जानैछौ, कथिलेत लोकसबके बिचमे जे बरका कहाइछै, परमेस्‍वरके नजरमे उ सबसे तुच्‍छ हैछै।

रोमी 3:20

बेबस्‍था पालन कैरके परमेस्‍वरके नजरमे कोइयो नै धरमी ठहरतै कथिलेत लोकसब पापी छै से बात त बेबस्‍थे बताइछै।

रोमी 4:5

कोनो लोक धरम-करममे नै महज पापी लोकसबके छमादैबला परमेस्‍वरमे बिस्‍बास करैछै त वह्‍या बिस्‍बासके कारन परमेस्‍वर ओकरा धरमी ठहराइछै। यि त परमेस्‍वरके दान चियै।

रोमी 5:1

ओहैसे हमसब खिरिस्‍टमे बिस्‍बास करलाके कारन परमेस्‍वरके अगा धरमी ठहरलचियै आ अपनासबके परभु येसु खिरिस्‍ट दुवारा परमेस्‍वरसङे अपनासबके मिलाप भेलछै।

रोमी 8:33

परमेस्‍वरके चुनल लोकसबके के दोस लगाइले सक्‍तै? कोइ नै सक्‍तै, कथिलेकी उ आपनेसे ओकरासबके आपन अगा धरमी ठहरेनेछै।

गलाती 2:16

तैयो लोक बेबस्‍था पालन कैरके धरमी नै ठहरैछै महज खिरिस्‍ट येसुमे भेल बिस्‍बास दुवारा धरमी ठहरैछै कहैबला बात जाइनके हमसब आपनेसे सेहो बेबस्‍थाके काम दुवारा नै बरु खिरिस्‍टके बिस्‍बास दुवारा धरमी ठहरलचियै कैहके येसु खिरिस्‍टमे बिस्‍बास करलियै कथिलेकी बेबस्‍थाके काम दुवारा कोइयो नै धरमी ठहरल जेतै।

याकुब 4:10

परभुके अगा नम्‌र बन, तब उ तोरासबके उपर उठाइतौ।

याकुब 4:6

बास्‍तममे परमेस्‍वर औरो बेसि अनुगरह करैछै। जनङकी पबितर धरमसास्‍तरमे लिखल छै, “परमेस्‍वर घमन्‍डी लोकसबके बिरोध करैछै, महज नम्‌रसबमे अनुगरह करैछै।”