लुका 16:2 - मध्‍य पुरविया थारू

² तब मालिक ओइ मुन्‍सीके बोल्‍याके कहल्‍कै, ‘तोहर बारेमे हम यि कथी सुनैचियौ? तोहर सब कामके हिसाब हमरा बुझ्‍हा। आइके बाद तु हमर मुन्‍सी नै रहबिही।’

लुका 16:2 ပူးပေါင်းရင်းမြစ်များ

मतीके लिखल सुसमाचार 12:36

हम तोरासबके कहैचियौ, जे लोक बिना कामके बोल्‍तै, नियाइके दिनमे तकरासे एक-एक कैरके लेखा देबेपरतै।

मतीके लिखल सुसमाचार 20:8

“जब साँझ परलै, तब उ मालिक आपन मुख नोकरके बोल्‍याके कहल्‍कै, ‘जनसबके बोला आ सबसे पछा आबैबलासे सुरु कैरके सबसे पहिन्‍का आबैबला तक सबके बैन द्‍यादहै।’

लुका 12:20

महज परमेस्‍वर ओइ धनिक लोकके कहल्‍कै, ‘हे मुरुख लोक, आइए रातमे तोहर देहसे तोहर परान तोरा छोइरके चैलजेतौ, अतहेक चिजसब तु अपनलेल जे जमा करनेचिही, बिहान यीसब ककर हेतौ?’”

लुका 12:42

परभु उतर देल्‍कै, “बफादार आ बुधिमान मुखिया के चियै, जकरा ओकर मालिक आपन घरके सब कामकाजके जिमा देतै आ आपन नोकरसबके ठिक समयमे खाना दैकेलेल खटेतै।

लुका 16:1

येसु आपन चेलासबके कहल्‍कै, “कोनो धनिक लोकके एकटा मुन्‍सी छेलै। ‘उ आपन मालिकके धन-समपैत उरा रहलछै कैहके’ ओकर उपर आरोप लागल छेलै।

लुका 16:3

तब उ मुन्‍सी आपन मनेमन बिचार करल्‍कै, ‘आब हम कथी करबै, कथिलेत हमर मालिक हमरा मुन्‍सीके कामसे निकाले लागल छै। हर जोतैले हमरा तागत नै छै, भिख माङैले हमरा लाज हैये।

रोमी 14:12

तैखातिर सबकोइ आपन-आपन कामके हिसाब परमेस्‍वरके दैले परतौ।

१ कोरन्‍थी 1:11

कथिलेकी तोरासबके बिचमे झगरा छौ कैहके क्‍लोएके घरके लोकसबसे हम खबर पाबनेचियै।

१ कोरन्‍थी 4:2

सेबकसब मालिकके बिस्‍बासयोग्‍य हैलेपरतै।

१ कोरन्‍थी 4:5

तैखातिर परभु नै आबैतक ककरो दोस नै लगा। आब अन्‍हारमे घोसरल बातसब उ इजोतमे लाबतै आ लोकके मनभितरके बिचारसब परकट करतै। तब सबलोक परमेस्‍वरसे आपन परसन्‍सा पाबतै।

२ कोरन्‍थी 5:10

कथिलेकी हम सबगोरा खिरिस्‍टके नियाय आसनके सामने खरा हैलेपरतै। ताकी हमसब अइ देहमे करल असल या खराब काम अनुसारके परतिफल पाब्‍बै।

१ तिमोथी 4:14

जे बरदान अगुवासब आपन हाथ तोहर उपरमे राइखके अगमबानीसे पाबने छेल्‍ही, ओकरा पुरा सदउपयोग कर।

१ तिमोथी 5:24

कोनो-कोनो लोकके पाप साफ-साफ देखा परैछै आ उसब नियाय हैसे पहिने दोसी ठहैर जाइछै, महज कतहेक गोराके पापसब पछासे मातरे देखापरैछै।

१ पतरुस 4:10

परमेस्‍वर तोरासबके किसिम-किसिमके बरदान देनेछौ। एक दोसरके सेबा करैके लेल देल यि बरदानके पुरा सदउपयोग कर।

१ पतरुस 4:5

महज जिबित आ मरलहा लोकसबके नियाय करैके लेल तैयार भ्‍याके रहल परमेस्‍वरके अगा ओइसबके लेखा दैलेपरतै।

परकास 20:12

हम बरका आ छोटका सब मरलसबके सिंहासनके सामने ठारभेल देखलियै आ किताबसब खोलल्‍कै। दोसर किताब खोलल्‍कै, जे जिबनके किताब छेलै। उ किताबमे लिखल अनुसार, ओकरासबके काम अनुसार मरलसबके नियाइ भेलै।