लुका 16:16 - मध्‍य पुरविया थारू

¹⁶ “बप्‍तिस्‍मा दैबला युहन्‍नाके बखत तक मोसाके बेबस्‍था आ अगमबक्‍तासबके बातसबके परचार करल्‍कै। तहै बखतसे परमेस्‍वरके राजके सुसमाचार परचार भ्‍यारहलछै, तब सबलोक परमेस्‍वरके राज भितर बलपुरबक परबेस करैछै।

लुका 16:16 ပူးပေါင်းရင်းမြစ်များ

मतीके लिखल सुसमाचार 10:7

‘स्‍वरगके राज नजदिक आइबगेल छै’ से परचार करैत जो।

मतीके लिखल सुसमाचार 15:11

कोनो भि चिज मुह भितर ढुकैछै उ चिज लोकके असुध नै करैछै, महज जे बात मुहसे बाहर निकलैछै, ओहे बात लोकके असुध करैछै।”

मतीके लिखल सुसमाचार 21:32

कथिलेत युहन्‍ना धारमिकताके रस्‍ता देखाबैत तोरासबलग एलौ, महज तुसब ओकरा बिस्‍बास नै करलिही। बरु बटी उठाइबलासब आ बेस्‍यासब ओकर उपर बिस्‍बास करल्‍कै। यि सब देखियोके तुसब आपन पाप सुइकार नै करलिही आ ओकरमे बिस्‍बास नै करलिही।”

मतीके लिखल सुसमाचार 3:2

“आपन पापके खातिर पस्‍चाताप कर, कथिलेत स्‍वरगके राज लग आइब गेल्‍छौ।

मतीके लिखल सुसमाचार 4:17

ओहै बखतसे येसु परचार करैत कहेलाग्‍लै, “पस्‍चाताप कर कथिलेत स्‍वरगके राज नजदिक आइब गेल्‍छौ।”

मतीके लिखल सुसमाचार 4:23

येसु पुरे गालिल परदेसके सभाघरसबमे सिक्‍छा देबे लाग्‍लै, स्‍वरगके राजके सुसमाचार परचार करैत आ लोकसबमे लागल सब परकारके रोग-बिमारके निक करल्‍कै।

मरकुस 1:14

जब युहन्‍ना जहलमे परलै तब येसु गालिल इलाकामे गेलै आ परमेस्‍वरके सुसमाचार परचार करल्‍कै।

मरकुस 1:45

महज उ लोक बाहर निकैलके गेलै आ अपना निक भेल बात चारुदिसन परचार करे लाग्‍लै। तैल्‍याके येसु फेनो उ सहरमे लोकसबके अगा खुलस्‍त रुपमे आबैले नै सक्‍लै महज उ सुनसान जगहमे रहेलाग्‍लै। तैयो लोकसबके भिर चारुदिसनसे ओकरलग एलै।

लुका 10:11

‘हमरासबके गोरमे लागल यि सहरके गरदासहित तोरासबके बिरुधमे झारैचियौ आ तुसब यि जान कि परमेस्‍वरके राज लग आइबगेलछौ!’

लुका 10:9

ओइ ठामके रोगी बिमारीसबके निक कर आ ओकरासबके कही ‘परमेस्‍वरके राज तोरासबके नजदिक आइबगेल छौ।’

लुका 16:29

महज अबराहम कहल्‍कै, ‘ओकरौरके सङे मोसा आ अगमबक्‍तासबके लिखल पबितर धरमसास्‍तरसब छौ त, ओकरे मानतौ त नै हेतौ!’

लुका 16:31

अबराहम कहल्‍कै, ‘मोसा आ अगमबक्‍ताके पबितर धरमसास्‍तरमे लिखल बातके नै मान्‍तौ आ नै सुन्‍तौ त कोइ मरियो के जि जेतौ त उसब बिस्‍बास नै करतौ।’”

लुका 9:2

येसु ओकरासबके परमेस्‍वरके राजके बारेमे परचार करैले आ बिमारसबके निक करैले पठाइल्‍कै।

युहन्‍ना 1:45

तकरबाद फिलिप नथानेलके भेटके कहल्‍कै, “हमरासबके उ भेटलै जकर बारे धरमसास्‍तरमे मोसाके बेबस्‍था आ अगमबक्‍तासब सेहो लिखने छेलै। उ योसेफके बेटा नासरतके येसु चियै।”

युहन्‍ना 11:48

यदि यि लोकके अहिनङे छोइरदेबै त सबलोक ओकरे बिस्‍बास करतौ। तब रोमीसब आइबके अपनासबके मन्‍दिर आ देस दुनुके बिनास कैरदेतौ।”

युहन्‍ना 12:19

ओहैसे फरिसीसब एक-दोसरके एहेन कहेलाग्‍लै, “आब तुसब कुछो करे नै सकैचिही। देख, सारा दुनिया ओकर पछा लाइग गेलछै!”

युहन्‍ना 5:4

कथिलेत परमपरभुके एकटा दुत समय समयमे पोखैरमे आइबके पानीके हिल्‍यादैछेलै आ पानी हिलैत मातर जे सबसे पहिने पानीमे जाइछेलै, ओकरमे भेल सब परकारके रोग-बिमार निक भ्‍याजाइछेलै।]

परेरित 3:18

तहिनङ येसुके दुख काटे परतै कैहके परमेस्‍वर अगमबक्‍ताके मुहसे करल अगमबानी पुरा करल्‍कै।