लुका 16:10 - मध्‍य पुरविया थारू

¹⁰ तब येसु कहल्‍कै, “अगर जे छोट बातमे इमान्‍दार छै त, उ बरका बातमे इमान्‍दार हेतै आ जे छोट बातमे बैमान छै त, उ बरको बातमे बैमान हेतै।

लुका 16:10 ပူးပေါင်းရင်းမြစ်များ

मतीके लिखल सुसमाचार 24:45

“के एहेन बिस्‍बास जोग्‍य आ बुधिमान नोकर चियै जेकर मालिक आपन घरके औरो नोकरसबके मुखिया बनेतै जे उ ठिकसे रेखदेख कैरके ओइसबके समयमे खान-पिनके बेबस्‍था करतै?

मतीके लिखल सुसमाचार 25:21

मालिक कहल्‍कै, ‘स्‍याबास! तु असल आ बिस्‍बास योग्‍य नोकर चिही। थोरबे चिजमे तु बिस्‍बास योग्‍य रहलिही। आब हम तोरा बहौत चिजके जिमा देबौ। हमरासङे आनन्‍द मना।’

मतीके लिखल सुसमाचार 25:23

उ मालिक कहल्‍कै, ‘स्‍याबस! तु असल आ बिस्‍बास योग्‍य नोकर चिही। तु थोरबेमे बिस्‍बास योग्‍य भेल्‍ही। आब हम बहौत चिजके जिमा देबौ। हमरसङे आनन्‍द मना।’

लुका 19:17

तब उ ओकरा कहल्‍कै, ‘चाबस तु हमर असल सेबक चिही, कथिलेत छोट चिजमे बिस्‍बास करलिही। आब तोरा दस सहरसबमे अधिकार देबौ।’

युहन्‍ना 12:6

उ गरिबसबके वास्‍ता करैबला भेलासे एहेन नै कहने छेलै कथिलेकी उ चोर छेलै आ पैसाकौरीके बटुवा ओह्‍या राखैछेलै आ ओहैमेसे उ चोराइ छेलै।

युहन्‍ना 13:2

तब येसु आपन चेलासबसङे साँझके भोजन खाइछेलै। सैतान पहिनेसे सिमोनके बेटा यहुदा इस्‍कोरियोतके मनमे ओकरा पकरादैके बिचार राइखदेने छेलै।

युहन्‍ना 13:27

तब यहुदा रोटीके खुन्‍डी लैते मातर सैतान ओकरमे ढुइकगेलै। तब येसु ओकरा कहल्‍कै, “तु जे करैले लागलचिही, से झटसिन कैरले।”

हिबरु 3:2

मोसा परमेस्‍वरके लोकसबके सेबा करैले बिस्‍बासयोग्‍य भेल जखा येसु सेहो परमेस्‍वरके देल काममे बिस्‍बासयोग्‍य भेलै।