लुका 11:4 - मध्‍य पुरविया थारू

⁴ हमरासबके पापसब छमा कैरदिय, कथिलेत हम्‍हु हमर बिरुध पाप करैबलाके छमा करैचियै। हमरासबके जाँचसे दुर राखु।’”

लुका 11:4 ပူးပေါင်းရင်းမြစ်များ

मतीके लिखल सुसमाचार 18:35

तकरबाद येसु आपन चेलासबके कहल्‍कै, “तुसब आपन भाइ-बहिनके हिरदयसे छमा नै करबही त, स्‍वरगमे रहैबला हमर पिता तोरोसबसङे ओहिनङे करतौ।”

मतीके लिखल सुसमाचार 26:41

जागल रह आ जाँचमे नै परे खातिर तुसब परथना करैतरह। आत्‍मा त साँचोके तैयार छै महज देह दुरबल छै।”

लुका 11:5

तब येसु ओकरासबके फेनसे कहल्‍कै, “मान कि, तोरासबमेसे ककरो कोइ साथी छौ। उ अधा रातके साथीके घरमे ज्‍याके कहतै, ‘साथी, हमरा तिनटा रोटी पैंचा दिय।’

लुका 13:4

या अठार गोरेके उपरमे सिलोआमके धरहरा खइसके मरल छेलै। कि उसब यरुसलेमके सब लोकसबसे बेसी पापी छेलै कैहके सम्‍झैचिही त?

लुका 22:46

तब येसु चेलासबके कहल्‍कै, “तुसब कथिले सुइतरहलची? उठ आ जाँचमे नै परै खातिर परथना कर।”

लुका 8:13

पथलबला जमिनमे परलाहा उसब चियै, जे परमेस्‍वरके बचन सुइनके खुसिसाथ गरहन करैछै महज ओकर सिर नै हैके कारन ओकरासबके बिस्‍बास कुछ समयके लेल मातर हैछै। परिक्‍छाके बखत ओकरासबके पतन हैछै।

युहन्‍ना 17:15

यि सन्‍सारसे ओकरासबके ल्‍याजाउ कैहके हम परथना नै करैचियै, महज ओकरासबके दुस्‍टसे बचाबु कैहके परथना करैचियै।

१ कोरन्‍थी 10:13

तोरासबके जिबनमे आबैबला सब परिक्‍छासब लोकसबके बिचमे आबैबला जखा हैछै। परमेस्‍वर बिस्‍बासयोग्‍य छै, जे तोरासबके सहे नै सकैबला परिक्‍छामे नै पारतौ। जब तु लोभमे परबिही परमेस्‍वर तोरा उ परिक्‍छासे बचैयोके लेल सहायता करतौ। तब तु सहैले सकबिही।

कलस्‍सी 3:13

तुसब एक-दोसरके सहन कर, ककरो बिरोधमे मन दुखाइबला बातसब छौ त छमा कर। जनङ तोरासबके परभु छमा करनेछौ तैहनङ तुहुसब एक-दोसरके छमा करेपरतौ।

२ थेसलोनिकी 3:3

महज परभु बिस्‍बास योग्‍य छै आ उ तोरासबके बौकार बनेतौ आ सैतानसे बचेतौ।

२ तिमोथी 4:18

हँ, परभु हमरा सब परकारके खराबिसबसे बचेतै। उ हमरा बच्‍याके आपन स्‍वरगिय राजमे ल्‍याजेतै। ओकर गुनगान जुगो-जुग तलिक हैतरहे। आमेन।

याकुब 2:13

कथिलेकी जे लोक किरपा नै करैछै ओकर नियाय किरपे बिनाके हैछै। किरपा नियायके उपर बिजय हैछै।

परकास 2:10

तोरा जे कस्‍ट परेबलाछौ ओइसे नै डरा। तोहर बिस्‍बास जाँचके लेल सैतान तोरासबमेसे कतेक लोकके जहलमे ढोकतौ। अहिनङ कैरके तोरासबके दस दिनतक कस्‍ट सहैले परतौ। तु मिरतु तक हमरमे बिस्‍बास करैले नै छोर। तब हम तोरा जिबनके मुकुट देबौ।’

परकास 3:10

पिरथिबीके सब जातीसबके जाँचैले अइ सन्‍सारमे आबैबला दुख कस्‍टसे हम तोरा बचाइबौ, कथिलेकी तुसब बहुत बात सैहके हमर आग्‍यापालन करनेचिही।