लुका 10:37 - मध्‍य पुरविया थारू

³⁷ उ कहल्‍कै, “दया करैबला लोक!” येसु कहल्‍कै, “जो, तुहु ओहिनङे कर।”

लुका 10:37 ပူးပေါင်းရင်းမြစ်များ

मतीके लिखल सुसमाचार 20:28

तैहनङे मानबोके बेटा दोसरसे सेबा लैले नै, महज सेबा करैले आ बहौत लोकसबके पापसे छुटकारा दैके खातिर आपन परान दैले एलछै।”

मतीके लिखल सुसमाचार 23:23

“महज तु धरमगुरुसब आ फरिसीसबके धिक्‍कार! तुसब कपटी चिही! कथिलेत तुसब पुदिना, सोप आ जिराके दसांस त चरहाइचिही, महज बेबस्‍थामे रहल गहनगर बातसब नियाय, दया आ बिस्‍बास योग्‍य जखा बहौत असल बातसबके कुछो मतलब नै राखैचिही। महज करैके एहो छेलौ कि तुसब बेबस्‍थामे रहल बातसबके माने परतियौ।

लुका 10:36

यि खिसा सुनेलाके बाद येसु पुछल्‍कै, “यि तिन गोरेमे से डाकुके हाथमे परल लोकके परोसियाके भेलै त?”

लुका 10:38

येसु आ ओकर चेलासब जाइतकाल एकटा गाममे पुग्‍लै, ओते मारथा नाम भेल एकटा जनी येसुके आपन घरमे स्‍वागत करल्‍कै।

२ कोरन्‍थी 8:9

कथिलेकी अपनासबके परभु येसु खिरिस्‍टके अनुगरह तोरासबके थाहे छौ, उ धनिक छेलै तयौ तोरासबके लेल उ गरिब भेलै ताकि ओकर गरिबीसे तुसब धनिक बनैले सक।

एफिसी 5:2

जनङ खिरिस्‍ट अपनासबके परेम करल्‍कौ, तहिनङ तुहुसब एक-दोसरके परेम कर। उ अपनसबके खातिर परमेस्‍वरके अगा आपनेके गमगम करैबला भेटी आ बलिदानके रुपमे अरपन करल्‍कै।

१ पतरुस 2:21

कथिलेकी परमेस्‍वर तोरासबके यह्‍या कामके लेल चुनल्‍कौ, खिरिस्‍ट तोरासबके लेल दुख भोगल्‍कौ आ उ एकटा उदाहरन बन्‍लै। आबसे तुसब ओकर देख्‍याल बाटमे चलेपरतौ।

परकास 1:5

बिस्‍बास योग्‍य साक्‍छी आ मिरतुसे सबसे पहिन्‍का बेर जिबित भेल सन्‍सारके रजा सबके रजा, येसु खिरिस्‍टके तरफसे तोरासबके अनुगरह आ सान्‍ती मिले। उ अपनासबके परेम करैछै आ आपन लहुसे अपनासबके पापसे छुटकरा देनेछै।