लुका 10:2 - मध्‍य पुरविया थारू

² येसु उसबके कहल्‍कै, “बाली त परसस्‍त छै, महज जनसब कमे छौ। तै खातिर बालीके परभुके बिन्‍ती कर आ उ आपन बाली काटैले जनसब पठादेतौ।

लुका 10:2 ပူးပေါင်းရင်းမြစ်များ

मतीके लिखल सुसमाचार 20:1

येसु कहैत गेलै, “स्‍वरगके राज जमिनके एकटा एहेन मालिक जखा चियै जे, बिहान सबेरे-सबेरे अङगुर बारीमे काम करैबला जनसबके ताकैले निकललै।

मरकुस 13:34

यि त एकटा लोक बिदेस गेल जखा चियै। जाइसे पहिने उ आपन नोकर-चाकरसबके घरमे सब काम-काजसबके जिम्‍मा लग्‍याके आ पहरेदारके जागल रह कैहके आग्‍या द्‍याके बिदेस गेल जखा चियै।

मरकुस 16:15

तब येसु उसबके कहल्‍कै, “जो आ सरा सन्‍सारमे ज्‍याके सरा सिरिस्‍टीके सब लोकसबके सुसमाचार परचार कर!

मरकुस 16:20

तब चेलासब सब ठामसबमे ज्‍याके परचार करल्‍कै। परभु उसबके मदत करल्‍कै आ अचममे कामसबसे ओकरासबके बचनमे सत छै कैहके ठहरेल्‍कै।]

लुका 9:1

एक दिन येसु बारहो चेलासबके ऐके साथ बोलाइल्‍कै आ उसबके सब भुतसब भगाइले, बिमारसबके निक करैले सक्‍ती आ अधिकार देल्‍कै।

परेरित 11:19

स्‍तिफनस मारल गेलाके बाद परभु येसुमे बिस्‍बास करैबलासब उपर जब सताबट बरहे लाग्‍लै तब चारुदिसन छिरियागेलै आ कोइ फोनिके इलाकामे पुग्‍लै त कोइ साइपरस टपु त कोइ एन्‍टिओखिया सहर तक पहुचलै। महज सुरु-सुरुमे उसब यहुदीसबके बिचमे मातरे सुसमाचार परचार करैछेलै।

परेरित 13:2

एक दिन उसब उपासे रैहके परभुके आराधना करैबखत पबितर आत्‍मा कहल्‍कै, “सुन, जै कामके खातिर हम तोरासबके बोलाइने चियौ, ओहै कामके खातिर बरनाबास आ साउलके चुन।”

परेरित 13:4

बरनाबास आ साउलके पबितर आत्‍मा पठेलाके कारन उसब एन्‍टिओखियासे सिकुलिया सहरमे गेलै। ओतेसे उसब समुन्‍दरके यातरा पार कैरके साइपरस टपुमे गेलै।

परेरित 20:28

तैल्‍याके तोरासबके आपनो आ आपन पुरे जेरके रेखदेख करैतरह। पबितर आत्‍मा तोरासबके ओइसबके चरबाहा बनाइनेछौ कि तोरासबके परमेस्‍वरके मन्‍डलीके रेखदेख कर, जकरा परमेस्‍वर आपन बेटाके लहुसे किन्‍नेछै।

परेरित 22:21

महज परभु हमरा कहल्‍कै, ‘तु जो, कथिलेत हम तोरा दुर-दुर गैर-यहुदीसबके बिचमे पठाइबौ।’”

परेरित 8:4

तब जे बिस्‍बासीसब छिरिया गेल रहै उसब घुइम-घुइमके सब इलाकामे चारुदिसन ज्‍याके परभुके बचन परचार करल्‍कै।

१ कोरन्‍थी 12:28

परमेस्‍वर मन्‍डलीमे सबसे पहिने परेरितसब, दोसर अगमबक्‍तासब, तेसर गुरुसब, तब अचमके काम करैबलासब, बिमारसबके निक करैबलासब, दोसरके सहायता करैबलासब, परसासन चलाइबलासब आ आन भसा बोलैबलासबके नियुक्‍त करने छै।

१ कोरन्‍थी 15:10

महज हम जे चियै, उ परमेस्‍वरके अनुगरहसे चियै आ हमर उपर करल ओकर अनुगरह बेकार नै भेलै। हम औरो परेरितसबसे बेसि मेहनत करलियै। बास्‍तममे काम करैबला हम नै, महज हमरसाथमे भेल परमेस्‍वरके अनुगरहसे काम करनेचियै।

२ कोरन्‍थी 6:1

हमसब परमेस्‍वरसङे काम करैबलासब भेलाके कारन तोरासबके बिन्‍ती करैचियौ कि परमेस्‍वरसे भेटल अनुगरहके बेरथमे जाइले नै दहै।

फिलिप्‍पी 2:21

औरो लोकसब त आपने धुनमे लागलछै, येसु खिरिस्‍टके बारेमे वास्‍ता करैबला कोनो लोक नै छै।

फिलिप्‍पी 2:25

आपनसबके भाइ, इपाफोरोडिटसके हम तोरासबलग पठाबैके आबसेक देखलियै। हमसब दुनु सङे-सङे काम करलियै आ सुसमाचार सुनाइबला काममे दुख भोगलियै। उ तोरेसबके दुत चियौ, जकरा हमर सहायताके लेल तुसब पठाइने छेल्‍ही।

फिलिप्‍पी 2:30

कथिलेकी उ खिरिस्‍टके काम करैके लेल मिरतुके मुहमे परल छेलै। तुसब हमर लेल पुरा करैले नै सकल सेबा उ पुरा करल्‍कै।

कलस्‍सी 1:29

खिरिस्‍टके महान सक्‍तीमे भर पैरके यि काम हम एकदम मेहनतसे करैचियै।

कलस्‍सी 4:12

तोरासबके एकटा भाइ, खिरिस्‍ट येसुके दास इपाफरास सेहो गोरलगी पठाइनेछौ। उ तोरासबके खातिर हरदम जोरतोरसे परथनामे सम्‍झैत रहैछौ ताकी तुसब बलगर हो आ परमेस्‍वरके सब इक्‍छा पुरा रुपसे मानैले सक।

१ थेसलोनिकी 2:9

भाइसब, हमरासबके कस्‍ट आ मेहनत तोरासबके थाहे छौ। तुसब परमेस्‍वरके सुसमाचार सुनाइबखत ककरो उपर भार नै परौक कैहके हमसब आपन खर्‌च-बर्‌च करैले दिन-रात खैटके काम करलियै।

१ थेसलोनिकी 5:12

हे हमर भाइसब तोरासबके हमसब आगरह करैचियौ कि जतहेक लोकसब तोरासबके बिचमे परभुके काम दिनरात एक कैरके मेहनत करैबला आ सर-सल्‍लाह दैबला अगुवासब चियौ, ओइसबके आदर कर।

२ थेसलोनिकी 3:1

अन्‍तमे हमर भाइसब, हमरासबके लेल परथना करैतरह, ताकि परभुके बचन तोरासबके बिचमे फैलल जखा जल्‍दीसे फैले आ अकर आदरकेसाथ सुइकार हेबे।

१ तिमोथी 4:10

ओहै कारनसे हमसब एकदम मेहनत करैचियै आ हरदम सङघरसमे लागल रहैचियै। कथिलेकी अपनासबके आसा जिबित परमेस्‍वरमे छै। परमेस्‍वर सब मानब जातीके आ खास कैरके बिस्‍बासीके मुक्‍तीदाता चियै।

२ तिमोथी 4:5

महज तु हर परिस्‍थितीमे सचेत रह, दुख उठा, सुसमाचार सुनाइबला काममे लागल रह आ आपन सेबाके काम-काज पुरा कर।

फिलेमोन 1:1

हम पावल, येसु खिरिस्‍टके बारेमे सुसमाचार परचार कैरके जहलमे परल आ अपनासबके बिस्‍बासी भाइ तिमोथीयोके तरफसे अपनेसबके जखा काम करैबला पिरिय फिलेमोनके लेल,

हिबरु 3:6

महज खिरिस्‍ट त घरके अधिकार पाबल बिस्‍बासयोग्‍य बेटा भ्‍याके सेबा करल्‍कै। यदि हमसब आपन आसामे अन्‍तिमतक भरोसा आ गर्‌भ कैरते रहबै त अपनोसब परमेस्‍वरके घरके सदस हेबै।

परकास 2:1

“एफिससमे भेल मन्‍डलीके देख-भाल करैबला स्‍वरगदुतके यि बात लिख: ‘सातटा तरा आपन दहिना हाथमे लैबला आ सातटा सोनाके डैठके बिचमे चलैबला अनङ कहैछै।