युहन्‍ना 9:29 - मध्‍य पुरविया थारू

²⁹ हमसब जानैचियै मोसासङे परमेस्‍वर बाजल छेलै। महज उ लोक कतेके चियै, से बात हमसब नै जानैचियै।”

युहन्‍ना 9:29 ပူးပေါင်းရင်းမြစ်များ

मतीके लिखल सुसमाचार 12:24

महज यि सुइनके फरिसीसब कहल्‍कै, “यि लोक त भुतसबके रजा बालजिबुलके सक्‍तिसे भुतसब निकालैछै।”

मतीके लिखल सुसमाचार 26:61

“यि आदमी त, ‘हम परमेस्‍वरके मन्‍दिरके तोरइके तिन दिनमे ओकरा निरमान करे सकैचियै’ कहल्‍कै।”

लुका 23:2

उसब येसुके दोस लगाइत कहल्‍कै, “यि लोक आपनौरके रास्‍टके लोकसबके बहक्‍या रहल हमरासबके भेटलै। यि रोमी सरकारके बटी नै दहै आ उ आपनके हम खिरिस्‍ट आ रजा कहैछै।”

युहन्‍ना 1:17

कथिलेत बेबस्‍था मोसासे एलै, महज अनुगरह आ सत्‍यता येसु खिरिस्‍टसे एलै।

युहन्‍ना 7:27

महज उ लोक कतेसे एलछै से हमसब जानैचियै। जब खिरिस्‍ट एतै, तब उ कतेसे एलछै से कोइ नै जान्‍तै।”

युहन्‍ना 7:28

येसु मन्‍दिरमे सिखाइबखत, जोरसे कहल्‍कै, “तुसब हमरा चिन्‍हैचिही आ हम कतेसे एलचियौ सेहो तुसब जानैचिही। महज हम आपने मनसे नै एलचियौ। जे हमरा पठाइनेछै, उ सत छै आ ओकरा तोरासब नै चिन्‍हैचिही।

युहन्‍ना 8:14

येसु ओइसबके जबाफदैत कहल्‍कै, “हम आपने बारेमे गबाही दैचियै, तैयो हमर गबाही सुइकारे जोकर छै। कथिलेत हम जानैचियै कि हम कतेसे एलचियै आ कते ज्‍यारहल चियै, महज तुसब यि बात नै जानैचिही कि हम कतेसे एलचियै आ कते ज्‍यारहल चियै।

युहन्‍ना 9:16

कोनो-कोनो फरिसीसब कहल्‍कै, “यि लोक परमेस्‍वर दिसनसे नै एलछै, कथिलेत उ पबितर बिसराम दिनके पालन नै करैछै।” महज दोसर लोकसब कहेलाग्‍लै, “जे पापी हेतै, उ एहेन अचमके चेन्‍हासब कनङके देखाइले सक्‍तै?” अहै बातमे ओइसबके आपनमे मतभेद भ्‍यागेलै।

युहन्‍ना 9:24

तब यहुदीसब ओइ अन्‍हर लोकके फेनो दोसर बेर बोल्‍याके कहल्‍कै, “परमेस्‍वरके अगा सत-सत बाज, हमसब जानैचियै कि, यि लोक पापी चियै।”

युहन्‍ना 9:30

तब उ लोक कहल्‍कै, “यि केहन अचमके बात! उ कतेसे एलछै से बात अहाँसब नै जानैचिही, महज उ हमर आँख खोइलदेल्‍कै।

परेरित 22:22

लोकसब पावलके यि बात “हम तोरा दुर-दुर गैर-यहुदीसबके बिचमे पठाइबौ, सुनते मातर” उसब जोर-जोरसे हल्‍ला करैत कहेलाग्‍लै, “दुनियासे अकर नाम निसान मेटा दहै। कथिलेत यि जिबित रहैके योग्‍यके नै छै।”

परेरित 26:22

महज आइके दिनतक हम परमेस्‍वरसे सहायता पाइबिये रहलचियै। अहै खातिर हम अते ठार भ्‍याके छोटका-बरका सबके गबाही दैचियै। अगमबक्‍तासब आ मोसाके कहल बचन अबस्‍य पुरा हेतै से बातसबके अलाबा हम कोनो बात बेसीसे नै कहनेचियै।

परेरित 7:35

“यि ओह्‍या मोसा चियै, जकरा उसब ‘के तोरा हाकिम आ नियाय करैबला बनेल्‍कौ’ कैहके असुइकार करने रहै, ओकरा परमेस्‍वर ओहै झारमे स्‍वरगदुत सङे हाकिम आ छुटकारा दैबला बनाके पठाइल्‍कै।

हिबरु 1:1

पहिन्‍का जुगमे परमेस्‍वर अपनासबके पिता पुरखासङे अगमबक्‍तासब दुवारा बहुत बेर आ बहुत किसीमसे बोलल छेलै।

हिबरु 1:2

महज यि अन्‍तके दिनसबमे उ आपन बेटा दुवारा अपनासबसङे बोलैछै। उ आपन बेटाके सब चिजके उतराधिकार हैकेलेल नियुक्‍त करल्‍कै आ ओकरे दुवारा सब चिजके सिरिस्‍टी करल्‍कै।